اقتوبەدەگى جىلىجاي ونىمدەرىنە رەسەيدەن دە سۇرانىس جوعارى
كاسىپكەرلەر جىلىجاي شارۋاشىلىعىنىڭ تيىمدىلىگىن ءتۇسىندى. وڭىردە بيىل تاعى 2 كەشەن ىسكە قوسىلادى دەپ جوسپارلانۋدا. قالا سىرتىنداعى ەڭ ءىرى جىلىجاي كەشەنى 3 گەكتار اۋماقتى الىپ جاتىر. مۇندا تاۋلىگىنە 5 توننا ءونىم جينالادى.
گوللانديالىق تەحنولوگيانىڭ تيىمدىلىگى - كوشەتتەردىڭ ءونىمدى مولىنان بەرۋى. جوبا قۇنى1 ميلليارد تەڭگەدەن اسادى. جىلىجاي شارۋاشىلىعىنا قولداۋ بار. تىنايتقىش زاتتارى 50 پايىز جەڭىلدىكپەن بەرىلسە، ءار گەكتارعا 2 ميلليون تەڭگە سۋبسيديا قاراستىرىلعان. وسىدان 1 اي بۇرىن ىسكە قوسىلعان جىلىجاي جىلىنا 1500 توننا ءونىم بەرەدى. قۇنى 1,5 ميلليارد تەڭگە بولاتىن جوبا ءۇ ي ي د باعدارلاماسى اياسىندا ىسكە قوسىلدى.
مارلەن بايماعانبەتوۆ، وبلىستىق اۋىلشارۋاشىلىعى باسقارماسى باسشىسىنىڭ ورىنباسارى:
- 2015 - جىلى 2 ءىرى جوبا ىسكە قوسىلادى دەپ وتىرمىز - «اقتوبە- جىلىجاي» جانە «نيكا-99» . وسى 2 - جىلىجاي ىسكە قوسىلعاندا، قالانى كوكونىسپەن قامتۋ كورسەتكىشى 77 پايىز- عا جەتەدى دەپ كۇتىلۋدە.
جىلىجاي شارۋاشىلىعىنداعى جەمىستى جوبالاردىڭ ءبىرى - قيار وسىرەتىن كەشەن. بۇل جىلىجايعا اۋىلشارۋاشىلىعىن قولداۋ قورىنان 280 ميلليون تەڭگە ءبولىندى. مۇندا جاڭا تەحنولوگيا مەن تامشىلاتىپ سۋارۋ ءادىسى قولدانىلادى. 2 گەكتار جەردەن جىلىنا 500 توننا ءونىم الىنادى. تاۋلىگىنە 4 توننا قيار جينالادى. جالپى، ىشكى سۇرانىس ءوز الدىنا، جىلىجاي ونىمدەرى كورشىلەس رەسەي كاسىپكەرلەرىنە دە ساۋدالانىپ جاتىر. كەلەشەكتە ەكسپورت كولەمى ۇلعايتىلماق.
وتكەن جىلى جىلىجايلار 4 مىڭ توننا ءونىم بەرگەن. اقتوبە قالاسى اۋماعىندا ازىق- تۇلىك بەلدەۋىن قۇرۋ ءۇشىن 4 جىل بۇرىن ارنايى باعدارلاما قابىلدانعان ەدى. سول كەزدەن باستاپ جىلىجايلار سالىنا باستادى. بولاشاقتا بۇلارعا بولىنەتىن جەردىڭ كولەمى ۇلعايتىلادى.
