ۇشاق اپاتىنان ءتىرى قالعان اسەم بىرتىندەپ اياققا تۇرىپ كەلەدى

ال تىلگە كەلىپ، ەسىن جيعاندا زارداپ شەگۋشى الدىمەن سورپا مەن قويۋ كۇرەڭ شاي سۇراتقان ەكەن.

شۋ قالاسىنان استاناعا جەتكىزىلگەلى اسەمنىڭ ومىرتقاسىنا، جىلىنشىك پەن جامباس سۇيەگىنە جانە سىنعان اياعىنا 5 كۇردەلى وپەراتسيا جاسالعان. زاماناۋي قۇرىلعىمەن سۇيەكتەرى ارنايى بۇرامامەن بەكىتىلىپتى. دارىگەرلەر اسەم شاياحمەتوۆانىڭ اياعىنا گيپستىڭ ورنىنا يليزاروۆ اپپاراتىن كيگىزىپ قويعان. بۇلشىق ەتتەرىنە ارتىق كۇش تۇسپەس ءۇشىن سىرقات ونىمەن جارتى جىل بويى جۇرەدى.

الداعى اپتادان باستاپ جانساقتاۋ بولىمىنەن پالاتاعا اۋىستىرىلاتىن اسەم شاياحمەتوۆا العاشقى قادامدارىن دا جاساي باستاماق. وسىدان 10 كۇن بۇرىن «بالقاش ءتۇستى مەتتىڭ» باس گەولوگى ا ن-2 قۇلاپ، قاق بولىنگەندە، ۇشاقتىڭ ارتقى قاناتىندا وتىرۋىنىڭ ارقاسىندا امان قالعان. كورەر جارىعى بار ءارى پەرىشتەسى قاققان اسەم اكە-شەشەسىنەن جۇمىسى، قازا تاپقان 6 ارىپتەسىنىڭ وتباسى جايلى كوپ سۇرايدى ەكەن.

ءامىرحان كاكوكوۆ، اسەم شاياحمەتوۆانىڭ اكەسى:

- تىرمىسىپ، جۇرگىسى كەلەدى. اۋىرسا دا كورسەتپەي جاتىر. كوبىنەسە، شايدى جاقسى كورەتىن شاي ءىشىپ جاتىر. سودان كەيىن سورپا ءىشىپ جاتىر. اناسى وتىر قاسىندا تاماعىن بەرىپ، بەتىن ءسۇرتىپ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى