سينگاپۋر دوللارى كۇرت قۇلدىرادى
سينگاپۋرلىق دوللار باعامى سوڭعى 3 جىلدا ەڭ تومەنگى دەڭگەيگە دەيىن ءتۇستى. بۇعان دەيىن ول ءار ۋاقىتتا دا تۇراقتىلىعىمەن ەرەكشەلەنگەن بولاتىن. ءتىپتى، 2010-جىلدىڭ ورتاسىندا ۆاليۋتالىق جۇپ ا ق ش دوللارى مەن سينگاپۋر دوللارى ءوسۋدىڭ جوعارى شەگىنە جەتكەن ەدى. قازىرگى باعامنىڭ تومەندەۋى وڭتۇستىك-شىعىس ازيالىق مەملەكەتتەگى يمپورتقا تاۋەلدى كومپانيالارعا تەرىس اسەر ەتكەلى تۇر.
ەندى ا ق ش، اۆستراليا سەكىلدى ەلدەردەن اكەلىنەتىن زاتتاردىڭ باعاسى الدەقايدا قىمباتقا تۇسەدى. سونىمەن قاتار شەتەلدە وقىپ جۇرگەندەرگە ءبىراز قيىندىق تۋادى. دەگەنمەن، ۇلتتىق ۆاليۋتا باعامىنىڭ تومەندەۋى ەلدەگى ەكسپورت جانە تۋريزم سالاسىنا وڭدى وزگەرىستەر اكەلەدى دەگەن پىكىر تۋىنداۋدا. ال ا ق ش- تىڭ قور نارىعىنداعى كومپانيالاردىڭ بولجامى قۋانتارلىقتاي ەمەس.
امەريكالىق مامانداردىڭ مالىمدەۋىنشە، حالىقارالىق ۆاليۋتا نارىعىنداعى جاعداي ءبىرشاما ۋشىعۋى مۇمكىن. ءتىپتى، ايگىلى Аpple كومپانياسى وتكەن جىلدى جوعارى تابىسپەن اياقتاسا دا، اكسيالارىنىڭ باعاسى ەداۋىر تومەندەدى. ال ينۆەستورلار ا ق ش دوللارىنىڭ قىمباتتاپ، باسقا ەلدەردىڭ ۆاليۋتالارى قۇلدىراعان مۇنداي جاعدايدا امەريكالىق ەكسپورتتاۋشىلاردىڭ كىرىس ءوسىمى ۇزاققا بارمايتىنىن جاقسى ءبىلىپ وتىر.
