بيلىك جاپون تىلشىسىنە قاتىستى جاعدايدىڭ تىعىرىققا تىرەلگەندىگىن مالىمدەدى
قازىرگى ۋاقىتتا اممانداعى وپەراتيۆتى شتابتا جۇرگەن ناكاياما تىلشىلەرگە جاعداي تۇيىققا تىرەلۋدە دەپ مالىمدەدى. جاپون بيلىگى بۇعان دەيىن تۇتقىنداردىڭ ءبىرىن يوردانيامەن كەلىسسوز جۇرگىزىپ، يوردان تۇرمەلەرىنىڭ بىرىندە وتىرعان لاڭكەس ايەلگە ايىرباستاۋ مۇمكىندىگىن جوققا شىعارمايتىندارىن جاريا ەتكەن بولاتىن.
24- قاڭتاردا «يسلام مەملەكەتى» ولتىرىلگەن ءتىلشى حارۋن يۋكاۆا سۋرەتىن ۇستاعان كەندزي گوتونىڭ لاڭكەستىك ۇيىمنىڭ جاڭا تالاپتارىن بايانداعان بەينەجازباسىن جاريالاعان ەدى. لاڭكەستەر جاپون بيلىگىنە يوردانيا باسشىلىعىمەن كەلىسسوزدەر جۇرگىزىپ، سادجيدا ار-ريشاۆي ەسىمدى لاڭكەس ايەلدى بوساتۋدى ۇسىنعان.
ەستەرىڭىزگە سالا كەتەيىك، 20- قاڭتاردا لاڭكەستەر 2 جاپون ازاماتىن تۇتقىنعا الىپ، ولار ءۇشىن 200 ميلليون دوللار اقشا تالاپ ەتكەن ەدى. سودىرلار توكيوعا اتالعان سومانى تولىق وتەۋلەرى ءۇشىن 3 تاۋلىك بەرىپ، سوما وتەلمەگەن جاعدايدا ەكەۋىن دە ولتىرەتىندىكتەرىن دە ايتقان بولاتىن.
دايىنداعان: ءا.جاقتاي
www.24.kz
