حالىقتار دوستاستىعىن نىعايتقان بايقاۋ
سان ۇلت وكىلدەرىنىڭ باسىن قوسقان شاراعا ءوڭىردىڭ ەتنومادەني ورتالىقتارىنان 30 عا تارتا ۇمىتكەر قاتىستى. ولار - اۋدان، قالالاردا وتكەن بايقاۋدا وزگەلەردەن وق بويى وزىپ شىققاندار. ۇلتتىق ەرەكشەلىكتەرىنە قاراي ءتۇرلى- ءتۇستى كيىنگەن قىرعىز بەن وزبەك، تاتار مەن ورىس، تۇرىك مادەني ورتالىعىنىڭ وكىلدەرى ونەرلەرىن ورتاعا سالدى.
ءبىر شاڭىراق استىندا دوستىق پەيىلمەن كۇن كەشىپ جاتقان 100 دەن استام ۇلت پەن ۇلىس وكىلدەرى قازاقستان حالقى اسسامبلەياسى ەلدەگى تاتۋلىقتى نىعايتىپ، ءاربىر ۇلتتىڭ ءدىلى مەن ءتىلىن، ۇلتتىق قۇندىلىقتارىن ساقتاپ قالۋىنا كەپىل بولاتىنىنا سەنىمدى. بايقاۋدا باس جۇلدە مەن ءبىرىنشى ورىندى يەمدەنگەن جەڭىمپازدار ناۋرىز ايىندا استانا قالاسىندا وتەتىن رەسپۋبليكالىق سايىسقا جولداما الدى.
رۋفات حودجيەۆ، بايقاۋعا قاتىسۋشى: - بۇگىنگى كورسەتەتىن ونەرىمىز - نۇرعيسا تىلەنديەۆتىڭ تۇمانباي مولداعاليەۆتىڭ سوزىنە جازىلعان «كوكتەمدى ساعىندىم» ءانى. مەملەكەتتىك ءتىل قازاق ءتىلى بولعاننان كەيىن قازاق ءتىلىن ءبىلۋ بارلىق ۇلت وكىلدەرىنە مىندەت دەپ بىلەمىن.
