جالاقى مەن اليمەنت ۋاقتىلى تولەنۋى كەرەك

بۇل تۋرالى وبلىستىق ادىلەت دەپارتامەنتىنىڭ باسپا ءسوز قىزمەتى ءمالىم ەتتى.

شاراعا وبلىس اكىمى سەرگەي كۋلاگين، اۋداندىق جانە قالالىق ادىلەت باسقارمالارىنىڭ باسشىلارى، سونىمەن قاتار، ادىلەت مينيسترلىگىنىڭ قۇرىلىمدىق بولىمشەلەرىنىڭ ءتوراعالارى، باسشىلارى مەن وكىلدەرى قاتىستى.

القا وتىرىسى ق ر ادىلەت ءمينيسترىنىڭ كىرىسپە سوزىمەن اشىلدى.

بۇدان كەيىن وبلىستىق ادىلەت دەپارتامەنتىنىڭ 2014-جىلداعى جۇمىس قورىتىندىسى تۋرالى وبلىستىق ادىلەت دەپارتامەنتىنىڭ باسشىسى ا. دەرمانوۆسكي قىسقاشا حاباردار ەتتى. اسىرەسە، دەپارتامەنت باسشىسى جالاقى مەن اليمەنت بويىنشا بەرەشەك جونىندەگى ماسەلەلەرگە ەرەكشە نازار اۋداردى.

سونىمەن قاتار، وبلىستىق ادۆوكاتتار القاسىنىڭ ءتوراعاسى ع. يبرايەۆا، وبلىستىق نوتاريالدىق پالاتاسىنىڭ ءتوراعاسى گ. كۇبىتايەۆا جانە وبلىستىق جەكە سوت ورىنداۋشىلارىنىڭ اۋماقتىق القاسىنىڭ ءتوراعاسى ا. دايروۆتىڭ 2014-جىلداعى اتقارىلعان جۇمىستار بويىنشا باياندامالارى تىڭدالىپ، پىكىرلەر ورتاعا سالىندى.

القا قورىتىندىسى بويىنشا مەملەكەت باسشىسى «نۇرلى جول - بولاشاققا باستار جول» جولداۋىنىڭ تۇرعىسىنان قازاقستان رەسپۋبليكاسى ادىلەت ءمينيسترى ب. يماشيەۆ وبلىستىق ادىلەت دەپارتامەنتىنىڭ باسشىلارىنا ناقتى تاپسىرمالار بەرىپ، 2015-جىلعا ارنالعان باسىم مىندەتتەردى انىقتادى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى