استانا پوليتسەيلەرى اتا-انالارعا اۆتوورىندىقتاردى دۇرىس تاڭداۋعا كەڭەس بەردى

وسىنداي شارالاردىڭ ءبىرى ەلوردانىڭ 37№ ورتا مەكتەبىندە ءوتتى. بۇعان تومەنگى سىنىپ وقۋشىلارىنىڭ 150 دەن استام اتا-اناسى شاقىرىلدى، دەپ حابارلايدى astana. kz

ەلوردالىق پوليتسەيلەر بالالارعا ارنالعان اۆتوورىندىقتار مەن ارنايى قۇرالداردىڭ تۇرلەرى جانە بالانىڭ جاسىنا سايكەس اتالمىش اۆتوورىندىقتى قالاي دۇرىس تاڭداۋ كەرەكتىگىن ناقتىلاپ جەتكىزدى.

جولاۋشىلار قاتارىندا بالالاردىڭ ەڭ وسال توپ بولىپ تابىلاتىنى بەلگىلى. جول اپاتى كەزىندە ەرەسەك ادامدارعا قاراعاندا سابيلەر ەداۋىر كوپ زاقىم الادى. بالالاردىڭ ءبىرقاتارى اتا-انانىڭ ەسكەرمەي، قاۋىپسىزدىك بەلدىگىن تاقپاۋىنىڭ سالدارىنان زارداپ شەگەدى.

سونداي-اق اتالمىش سالا ماماندارى اتا-انالارعا ارنايى كراش-تەستتەردى، اۆتوورىنداقتاردىڭ بالالار ءومىرىن قالاي ساقتاپ قالا الاتىندىعى تۋرالى الەۋمەتتىك روليكتەر كورسەتتى.

استانا قالاسى ءى ءى د ءا پ ب اعا ينسپەكتورى لاريسا كراسنيكوۆانىڭ ايتۋىنشا، پەرزەنتحانالاردا، جالپى ءبىلىم بەرەتىن جانە مەكتەپكە دەيىنگى ءبىلىم بەرەتىن مەكەمەلەردە وتكىزىلىپ جاتقان «بالا - باستى جولاۋشى» دەپ اتالاتىن كەڭ اۋقىمدى اكسيا كولىك جۇرگىزەتىن اتا-انالارعا اۆتوورىندىقتاردىڭ ماڭىزدىلىعى تۋرالى كوپ ماعلۇمات بەرەدى.

جىل باسىنان بەرى ەلىمىزدىڭ اۆتوجولدارىندا جول اپاتىنان 6 بالا كوز جۇمسا، 17 جەتكىنشەك اۋىر جاراقات الدى.

پوليتسەيلەردىڭ مالىمەتىنشە، شەت ەلدەردە وتكىزىلگەن ارنايى عىلىمي زەرتتەۋلەر ناتيجەسىندە اۆتوورىندىقتار جول اپاتى كەزىندە بالالاردىڭ ءولىمىن %80، اۋىر جاراقات الۋدى %64-80، جەڭىل جاراقاتتى %70 تومەندەتەدى.

سونداي-اق شارا بارىسىندا پوليتسيا قىزمەتكەرلەرى مەن اۆتوورىندىقتار بويىنشا ماماندار اتا-انالاردىڭ كوكەيكەستى ساۋالدارىنا جاۋاپ بەرىپ، ولارعا اقپاراتتىق كىتاپشالار تاراتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى