قايتا-قايتا تالىپ جاتقان گەنەرال جولامانوۆ ءۇي قاماققا اۋىسقىسى كەلەدى
سەبەبى وسىمەن ەكىنشى كۇن قاتارىنان نۇرلان جولامانوۆ سوتتا تالىپ جاتىر. بۇگىن دە قان قىسىمى كۇرت كوتەرىلىپ سوت عيماراتىنا تاعى جەدەل-جاردەم شاقىرتۋعا تۋرا كەلدى. دارىگەرلەر تىم مازاسىزدانىپ كەتكەن گەنەرالعا تىنىشتىق قاجەت دەپ وتىر. وسىعان قاراعاندا، جولامانوۆ باعىنىشتىلارىنىڭ تالاي بىلىقتى اشكەرەلەپ جاتقانىن كوتەرە الماسا كەرەك.
دەگەنمەن باستى كۇدىكتىنىڭ اۋرۋى اسقىنعاندىقتان اتى شۋلى پروتسەس 2- اقپانعا ياعني الداعى دۇيسەنبىگە قالدىرىلدى. شەكارا قىزمەتىنىڭ ەكس-باسشىسى ۇيىمداسقان قىلمىستىق توپ قۇرىپ، تەندەردى ۇتىپ بەرۋ ءۇشىن كاسىپكەرلەردەن 252 ميلليون پارا الدى دەپ ايىپتالىپ جاتىر. الايدا، ءوزى كىناسىن مويىنداعان جوق. ەندى دەنساۋلىعى سىر بەرگەن جولامانوۆتى قورعاۋشىلارى ءۇي قاماققا اۋىستىرۋدى ويلاپ وتىر.
- بۇل مۇمكىن. ءبىز كەز-كەلگەن كۇنى ءوتىنىش جازا الامىز. بۇل ماسەلە ءبىزدىڭ الدىمىزدا تۇرعان مىندەتتىڭ ءبىرى - دەيدى ن. جولامانوۆتىڭ ادۆوكاتى ماعاۋيا ەلەمەسوۆ.
