ارىقتاۋدىڭ قىسقى ەرەجەلەرى

 1. كونكي تەبۋ. قالاڭىزدىڭ، مەكەنىڭىزدىڭ كونكي تەبەتىن الاڭىنا اپتاسىنا ءبىر مەزگىل شىعىپ تۇرىڭىز. 70 ك گ سالماعى بار ادام ءبىر ساعات ىشىندە كونكي تەبۋدىڭ ارقاسىندا 250 كالوري جوعالتادى ەكەن.

 كوپتەگەن ادام كونكي تەبۋدى بەلسەندى سپورت رەتىندە قاراستىرمايدى. بۇل قاتە پىكىر. سەبەبى كونكي تەبۋ بارىسىندا ءسىزدىڭ بۇكىل دەنەڭىز سەرگىپ، جاتتىعادى. ونىڭ كومەگىمەن اياق- قولداردى، ءىشىمىزدى تارتىپ، قاتايتۋعا بولادى.

 اشىق الاڭدا كونكي تەپسەڭىز، دەنساۋلىعىڭىزعا دا يگى اسەرى بولادى.

2. شاڭعى تەبۋ. العاشقى ۋاقىتتا 40-50 مينۋتتان اسىرا تەپپەگىنىڭىز ابزال. سەبەبى ءسىزدىڭ دەنەڭىز جاڭا جاتتىعۋ تۇرىنە ۇيرەنۋى كەرەك. شاڭعى تەبۋدىڭ كومەگىمەن ءسىز ساعاتىنا 300-500 كالوريدان قۇتىلاسىز. شاڭعىمەن تاۋدان ءتۇسۋ بارىسىندا بارلىق دەرلىك دەنەڭىز جاتتىعىپ، قاتايادى.

3. سنوۋبورد. اتى تانىس، زاتى اۋلاق دەگەندەي، سنوۋبورد ءالى ءبىزدىڭ قوعامدا سۇيىكتى سپورت تۇرىنە اينالىپ ۇلگەرگەن جوق. الايدا ونىڭ كومەگىمەن ءسىز 700 كالوريگە دەيىن جوعالتاسىز. جوعارىعا جاياۋ كوتەرىلىپ، سنوۋبوردپەن ءتۇسۋ ءبىر ساعاتتا 800 كالوريدەن ارىلتادى. سونىمەن قاتار پرەسس، ارقا جانە اياقتىڭ بۇلشىق ەتتەرىن جاتتىقتىرىپ، قاتايتادى.

4. شانا. بالا كەزىمىزدەگى قىسقى ەرمەگىمىز نە ەدى؟ ءيا، شانانىڭ ءدال ءوزى. تاڭەرتەڭنەن كەشكە دەيىن تاۋشىقتان شىقپاي، وينايتىن ەدىك قوي. شانا بولماسا، كارتون نە پاكەتتى پايدالاناتىنبىز. ەندى، سول شانا تەبۋدىڭ ارىقتاۋعا كومەگى قانشالىقتى زور ەكەنىن بىلەسىز بە؟

شانامەن ءتۇسىپ، جاياۋ كوتەرىلىپ، جۇگىرۋمەن وتكەن ءبىر ساعاتىڭىز 400 كالوريدەن ارىلۋعا كومەكتەسەدى. ونىڭ ۇستىنە شانا تەبۋ جۇرەك تامىر جۇيەسىن قالىپتا ۇستاۋعا سەپتىگىن تيگىزەدى.

5. قار اتىسۋ. بۇل دا بالا كەزىمىزدەن بەرى ەسىمىزدەن شىقپايتىن ەرمەك. ال ونىڭ ارىقتاۋعا پايداسى بار ەكەنىن كوپ ادام بىلە بەرمەيدى. دەنەڭىزدىڭ بارلىق مۇشەسىن جاتتىقتىرىپ، سەرگىتىپ، كوڭىل- كۇيدى دە كوتەرىپ قانا قويماي، رەاكتسيا مەن كوورديناتسيانى دامىتادى. قار اتىسىپ ويناۋدىڭ ءبىر ساعاتى 400 كالوريدى جويادى.

دەمالىسىڭىز قىزىقتى ءارى ءساتتى ءوتسىن!

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى