شەكتەن شىققان شەنەۋنىك
بۇعان دەيىن قالالىق ساۋلەت جانە قۇرىلىس دەپارتامەنتىنىڭ بۇرىنعى باسشىسى قايىربەك ەردەنوۆ تە جۇمىستان قۋىلعان بولاتىن. لاۋازىمدى تۇلعالار قۇرىلىسى اياقتالماعان تۇرعىن ءۇيدى مەملەكەتتىك قابىلداۋدان وتكىزىپ جىبەرگەن. سونىڭ سالدارىنان تۇرمىسقا قولايسىز ۇيگە قونىستانعان جۇزدەگەن تۇرعىن سەگىز اي بويى تابيعي گازسىز وتىرعان. وسى ءۇيدى قابىلداپ العان كوميسسيانىڭ ءتوراعاسى ۆالەري پولەشكونىڭ ءىسى بويىنشا وتكەن جىلدىڭ جەلتوقسان ايىندا ۇكىم شىعارىلۋى ءتيىس ەدى. الايدا سودان بەرى شەنەۋنىك اۋرۋحانادا جاتىر.
بالبوپە مۇحامەدۋاليەۆا، قالالىق سوتتىڭ جەتەكشى مامانى: - ۆالەري پولەشكو دەنساۋلىعىنا بايلانىستى ءوز ەركىمەن قالا اكىمى ورىنباسارى قىزمەتىنەن كەتۋ تۋرالى سوتقا ءوتىنىش بەردى. ءبىراق ونىڭ بۇل تالابى قاناعاتتاندىرىلعان جوق. سەبەبى سىبايلاس جەمقورلىققا جول بەرەتىن قۇقىق بۇزۋشىلىققا باردى دەگەن تارتىپتىك كەڭەستىڭ شەشىمى زاڭدى كۇشكە يە.
www.24.kz
