شىمكەنتتە جۇرەككە جاڭا ادىسپەن وتا جاسالدى
جۇرەككە جاڭا ادىسپەن جاسالعان وتانىڭ ناتيجەسى جامان ەمەس. وبلىستىق كارديولوگيالىق ورتالىقتا وسىدان ءبىر اپتا بۇرىن العاش رەت جۇرەكتىڭ تۋا بىتكەن اقاۋىن كوررەكتسيالاۋ بويىنشا وپەراتسيالار ميني ينۆازيۆتى توراكوتومدىق ەنۋ ارقىلى جاسالا باستاعان بولاتىن. التى ناۋقاستىڭ تورتەۋىنە جاڭا ادىسپەن، ياعني، ءتوس سۇيەگىن كەسپەستەن وتا جاسالدى. بۇل اۋرۋدىڭ تەز وڭالۋىنا سەپتىگىن تيگىزەدى ءارى تىرتىقتار بولمايدى. ال ەكەۋىنىڭ جاعدايى كۇردەلى بولعاندىقتان، ەسكىشە ادىسپەن وتا جاسالدى.
بۇعان دەيىن تەك رەسپۋبليكالىق دەڭگەيدە جۇرەككە جاڭا ادىسپەن وتا جاساۋدىڭ بۇل ءتۇرى شىمكەنتتە ەندى قولعا الىنعان. شەتەلدە ءبىلىمىن جەتىلدىرىپ كەلگەن مۇنداعى كارديولوگ-دارىگەرلەر ءارى قاراي جۇمىستى جانداندىرامىز دەپ وتىر.
