گەننادي گولوۆكين مارتين ميۋررەيمەن بولاتىن جەكپە-جەككە قاتىستى سۇحبات بەردى

21- اقپان كۇنى موناكودا (WBA (Super جانە (WBC (Interim چەمپيونى گەننادي گولوۆكين 32 جاستاعى بريتاندىق بوكسشى مارتين ميۋررەيمەن رينگتە كەزدەسەدى.

«بۇل - بيىلعى جىلعى العاشقى قادامىم، - دەيدى گەننادي UCNLive تەلەارناسىنا بەرگەن سۇحباتىندا. - ميۋررەي - وتە مىقتى قارسىلاس. بۇل ويىن ەمەس، ماڭىزدى جەكپە-جەك جانە ەكەۋىمىز ءۇشىن ۇلكەن سىناق. وندا تيتۋل ءۇشىن ەكى جەكپە-جەك - مارتينەسپەن جانە شتۋرممەن ءوتتى. مەن ول كەزدەسۋلەردى قاراپ شىقتىم، مارتين ولارعا ەش دەس بەرگەن جوق. ول چەمپيون اتاناتىن جالعىز مۇمكىندىك دەپ سانايتىن بولسا كەرەك، سوندىقتان ماعان قارسى شىققاندا جانىن سالىپ جۇدىرىقتاسادى».

گولوۆكين ءوزىنىڭ باستى ماقساتى - تيتۋلداردى بىرىكتىرۋ ەكەندىگىن تاعى ءبىر ەسكە سالدى. ورتا سالماقتا WBC چەمپيونى تيتۋلى ميگەل كوتتونىڭ ەنشىسىندە. دەگەنمەن ساراپشىلار بۇل سالماقتا گولوۆكيننەن مىقتى جوق دەپ وتىر. گەنناديدىڭ ءوزى ناقتى جەكپە-جەكتەر وتكىزىپ، شىن مىقتىنى انىقتاعىسى كەلەدى.

«مەندە WBC- نىڭ ۋاقىتشا تيتۋلى بار، تولىققاندى تيتۋلعا يە ميگەل كوتتوعا قارسى شىعاتىن كەلەسى ۇمىتكەر مەن بولۋىم ءتيىس. مەن بىرىكتىرۋشى جەكپە-جەك وتكىزگىم كەلەدى. مەن ءۇشىن ورتا سالماقتا ەڭ مىقتى بوكسشىنى انىقتاۋ ماڭىزدى»، - دەدى بوكسشى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى