تەڭىزگە قۇلاعان مالايزيالىق ۇشاق اقاۋى بار كومپيۋتەرمەن ۇشقان
بۇل تۋرالى Bloomberg كومپانياسىنا سىلتەمە جاساي وتىرىپ، lenta.ru حابارلايدى.
Reuters اگەنتتىگىنىڭ مالىمەتىنشە، بورتتاعى كومپيۋتەر جۇمىسىنداعى كەم- كەتىكتەر اپاتقا دەيىن 1 اپتا بويى باقىلانعان. كاپيتاننىڭ اپاتقا دەيىن دە بىرنەشە كۇن بۇرىن اتالعان اقاۋلارمەن ۇشاق باسقارعانى بەلگىلى بولدى. ال Bloomberg- ءتىڭ حابارلاۋىنشا، كومپيۋتەردى قايتا جۇكتەۋدەگى ءساتسىز ارەكەتىنەن كەيىن پيلوتتار ونى ءوشىرىپ تاستاۋعا ءماجبۇر بولعان.
ساراپشىلار اتالعان قادام ۇشاقتى ودان ءارى باسقارۋعا ەش كەدەرگى كەلتىرمەگەنىمەن، ۇشقىشقا ۇشاقتى قاۋىپتى رەجيمنەن شىعارۋعا مۇمكىندىك بەرەتىن قورعانىستىڭ الىنىپ تاستالعاندىعىن ايتىپ وتىر.
ال Reuters- ءتىڭ حابارلاۋىنشا، اۋە اپاتى تۇتقانى باسقارىپ وتىرعان ەكىنشى ۇشقىشتىڭ كەنەت بيىكتىكتى مولشەردەن تىس الىپ قويىپ، ۇشاقتى باسقارا الماۋى سالدىرىنان بولعان. وسى كەزدە «ستاندارتتان تىس ءۇردىستى» ورىنداپ جاتقان ەكيپاج كومانديرى جاعدايدى ءوز باقىلاۋىنا العانىمەن، قاتەلىكتى تۇزەۋگە ۇلگەرە الماعان. ۇشاق بەليتۋنگ يندونەزيا ارالدارىندا اپاتقا ۇشىراۋى مۇمكىن دەگەن دە مالىمەت بار.
