الماتى وبلىسىندا «ءۇشارال-تالدىقورعان» جانە «ءۇشارال-الماتى» باعىتىندا اۋە قاتىناسى ورناتىلدى

بۇل تۋرالى بۇگىن الماتى وبلىسىنىڭ اكىمى اماندىق باتالوۆ الاكول اۋدانىنا جۇمىس ساپارى بارىسىندا اۋدان اكىمى ءا. جاقانبايەۆتىڭ تۇرعىندار الدىنداعى ەسەبىنە قاتىسۋى كەزىندە ءمالىم ەتتى. كەزدەسۋگە ءماسليحات دەپۋتاتتارى مەن اۋدان تۇرعىندارى قاتىستى.

الاكول اۋدانىنىڭ 2014-جىلعى الەۋمەتتىك-ەكونوميكالىق دامۋى جونىندە جانە 2015-جىلعا ارنالعان باسىم باعىتتارى تۋرالى ەسەبىمەن ءوڭىر اكىمى الىبەك جاقانبايەۆ بايانداما جاسادى. اۋدان اكىمىنىڭ ەسەپتىك بايانداماسىندا وندىرىلگەن اۋىل شارۋاشىلىعى ءونىمىنىڭ كولەمى 23,5 ميلليارد تەڭگەنى قۇراپ، 15 ميلليارد تەڭگە كولەمىندە ينۆەستيتسيا تارتىلعاندىعى، سونىمەن قاتار اعىمداعى جىلى قوسىمشا 300 جۇمىس ورنى بار جاڭا 7 ءوندىرىس ورنىن اشۋ ماسەلەلەرى ايتىلدى.

جيىن بارىسىندا وبلىس اكىمى ا. باتالوۆ اۋدان تۇرعىندارىنان كەلىپ تۇسكەن سۇراقتارعا ناقتى جاۋاپتار بەردى. تۇرعىنداردىڭ «ءۇشارال-تالدىقورعان» جانە «ءۇشارال-الماتى» باعىتىندا اۋە قاتىناسى ورناتىلسا دەگەن سۇراعىنا ول بۇل جۇمىستىڭ قولعا الىناتىندىعىن جەتكىزدى. ال بەسكول ەلدى مەكەنىندەگى تەمىر جولدىڭ ۇستىنەن جاياۋ جۇرگىنشىلەر وتەتىن كوپىر تۋرالى قويىلعان سۇراققا قاتىستى وبلىس اكىمى وبلىستىق اۆتوموبيل جولدارى جانە جولاۋشىلار كولىگى باسقارماسىنىڭ باسشىسى ە. جاسىبايەۆقا بۇل ماسەلەنى تۇبەگەيلى انىقتاپ، ۇسىنىس بەرۋدى تاپسىردى.

بۇدان باسقا تۇرعىندار وبلىس اكىمىنەن كوكتۇما اۋىلىنداعى جاعالاۋلارعا توسقاۋىل قويۋ، كوكسەركە بالىعىن اۋلاۋعا تىيىم سالۋدى الىپ تاستاۋ جانە «ۆ ي ت ا سويا» ج ش س شارۋالارىنىڭ قارىزىن قايتارىپ بەرۋ سىندى ماسەلەلەردىڭ شەشىلۋىنە ىقپال ەتۋدى سۇرادى.

ا. باتالوۆ اۋدان باسشىلىعىنا ەڭ ماڭىزدى سالالارداعى جۇمىستاردى جانداندىرۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى