استانا قالاسىنىڭ «جاستار» تەاترى كورەرمەنىن ءتانتى ەتتى

قويىلىم ەرەكشە فورماتتا كورسەتىلدى. ن. گوگولدىڭ كومەدياسىمەن قويىلعان سپەكتاكل قازىرگى زامانعا ساي ۇلگىدە دايىندالعان.

تەاتر رەجيسسەرى بەكبولات قۇرمانعوجايەۆتىڭ ايتۋىنشا، ولار قويىلىمدا باسقالارىنان ەرەكشە، قاراپايىمدىلىق پەن داستۇرلىلىكتەن اۋلاق بولۋعا، سونداي-اق كورەرمەندەرىن ءتانتى ەتۋ ءۇشىن سپەكتاكلدەرگە جاڭاشىلدىقتار مەن زاماناۋي بەلگىلەر بەرۋگە تىرىسادى.

«سارسەنبىنىڭ ءساتتى كۇنىنەن باستاپ، جەكسەنبى كۇنىنە دەيىن كۇندەلىكتى سپەكتاكلدەرىمىزدى كورەرمەندەردىڭ نازارىنا ۇسىنىپ وتىرمىز. قازىرگى تاڭدا ءوز كورەرمەندەرىمىزدى قالىپتاستىردىق دەپ ويلايمىن»، دەدى «جاستار» تەاترىنىڭ ديرەكتورى ايبولات سەكسەنبايەۆ.

استانالىق تەاتر ءوز ەسىگىن 2007-جىلى اشقان بولاتىن. سول كۇننەن باستاپ تەاتر كوپتەگەن بايقاۋلاردا گران-پري يەگەرى اتانىپ، قازاقستاندا عانا ەمەس، شەت ەلدەردە دە كەڭىنەن تانىمال بولدى. بۇگىندە «جاستار» تەاترىنىڭ رەپەرتۋارىندا 20 دان استام سپەكتال مەن بالالارعا ارنالعان 5 ەرتەگى بار. ۇجىمدا بارلىعى 40 ءارتىس ونەر كورسەتەدى. «جاستار» تەاترىنىڭ بيلەتتەرى قولجەتىمدى. بيلەتتىڭ قۇنى 500 دەن 1000 تەڭگەگە دەيىن. بالالار مەن زەينەتكەرلەرگە جەڭىلدىكتەر قاراستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى