ەلوردالىق پوليتسەيلەر اۆتوبۋس جۇرگىزۋشىلەرىن باقىلاۋعا الدى
استانا. قازاقپارات - استانا ءى ءى د ءا پ ب قىزمەتكەرلەرى ج ا ش بارىسىندا جول ەرەجەسىن بۇزعان قوعامدىق كولىك جۇرگىزۋشىلەرىن ەرەكشە باقىلاۋعا الماق، دەپ حابارلايدى BNews.kz.
«اۆتوبۋس» ج ا ش العاشقى كۇنىندە 95 زاڭ بۇزۋشىلىعى انىقتالدى، سونىڭ ىشىندە 8 جۇرگىزۋشى تەحنيكالىق بايقاۋ وتپەگەن اۆتوبۋستى باسقارعانى ءۇشىن اكىمشىلىك جاۋاپكەرشىلىككە تارتىلدى، ۇيالى تەلەفونمەن سويلەسۋ جانە مانيەۆر جاساۋ ەرەجەسىن بۇزۋ بويىنشا 4 فاكتىدەن تىركەلدى، تاعى 2 فاكتى جۇرگىزۋشىلەردىڭ ەڭبەك پەن دەمالىس رەجيمى ەرەجەلەرىنىڭ بۇزىلۋىنا قاتىستى، قايتا جابدىقتاۋ بويىنشا 1 فاكتى انىقتالدى. جەلىگە تەحنيكالىق اقاۋى بار قوعامدىق كولىكتەردى شىعارعانى ءۇشىن 2 لاۋازىمدى تۇلعا اكىمشىلىك جاۋاپكەرشىلىككە تارتىلدى»، - دەپ حابارلادى استانا ءى ءى د ءا پ ب-دان.