ءسابينا التىنبەكوۆانىڭ باسىن اينالدىرعان كىم؟

بۇل تۋرالى Vesti.kz سپورت پورتالى Gatra.com رەسۋرسىنا سىلتەمە جاساپ حابارلايدى.

ەلدە بۇل سپورت تۇرىنە قىزىعۋشىلىق بولماعاندىقتان، ۆولەيبولدان ايەلدەر اراسىنداعى تۋرنير 2011-جىلى توقتاتىلعان ەدى. ءبىراق 2014-جىلدىڭ سوڭىندا يندونەزيا ۆولەيبول فەدەراتسياسىنا Pertamina اتتى مۇناي-گاز كومپانياسى دەمەۋشىلىك جاساي باستادى. بۇل كومپانيا ەلدەگى ۆولەيبولدى قايتا وركەندەتۋگە ۇمتىلىپ، ءسابينا التىنبەكوۆانى شاقىرۋعا دايىن.

«ءبىز قاجەت بولسا ءسابينا التىنبەكوۆانى الىپ كەلۋگە تىرىسامىز. ءبىراق ونى الىپ كەلسەك، ول كلۋبتاردىڭ بىرىندە ويناماۋى مۇمكىن. بۇل ارقىلى ءبىر كلۋب كۇشەيىپ كەتەدى. ونىڭ ۇستىنە، ونىڭ تۇرعىلىقتى جەرىمەن قيىندىقتار تۋۋى مۇمكىن، سوندىقتان ونى شاقىرۋ ءۇشىن قوسىمشا قارجى قاجەت بولادى»، - دەدى Pertamina كومپانياسىنىڭ ماركەتينگ جونىندەگى ديرەكتورى احماد بامبانگ. - سوندىقتان، ءبىز التىنبەكوۆا وسى جىلى قوناق رەتىندە كەلىپ، ءبىزدىڭ ۆولەيبولىمىزدى كورەدى دەگەن ءۇمىتىمىز بار. ونىڭ يندونەزيادا كورەرمەنى كوپ، سول ءۇشىن يندونەزيادا ايەلدەر اراسىنداعى ۆولەيبولعا دەگەن قىزىعۋشىلىق ويانادى دەپ ۇمىتتەنەمىن.

ەسكە سالا كەتەيىك، 18 جاستاعى ۆولەيبولشى ءسابينا التىنبەكوۆا ازيادا 2014-جىلى تانىمال بولعان ەدى. ازيا جاستار اراسىنداعى چەمپيوناتتا ونىڭ سۇلۋلىعىنا جانكۇيەرلەر مەن جۋرناليستەر نازار اۋدارىپ، بۇدان كەيىن قازاقستاندىق جاس سپورتشى اتاقتى بولا كەتتى. وعان كوپتەگەن ۇسىنىستار ءتۇستى، ءتىپتى بەلگىلى برەندتەردىڭ تۇلعاسى بولۋ تۋرالى ۇسىنىستار بولدى. ءبىراق ۆولەيبولشى ءوزىن تەك ۆولەيبولعا ارناپ، وقۋىن جالعاستىراتىنىن ايتتى. ايتا كەتەيىك، تاياۋدا سپورتشى قىز توكيو قالاسىنا ۆولەيبولدان جاپونيادا وتەتىن چەمپيوناتتىڭ اياسىندا بولاتىن شارالارعا شاقىرىلدى. كەزدەسۋ اياسىندا ءسابينا التىنبەكوۆا جاپون سپورتشىلارىمەن تاجىريبە الماستى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى