استانا اۆتوسالوندارىنىڭ بىرىندە كولىك ساتۋعا تىيىم سالىندى

كوميتەتتىڭ استانا قالالىق دەپارتامەنتى ماماندارى كولىك ساتاتىن سەرىكتەستىككە جوسپاردان تىس تەكسەرىس جۇرگىزگەن كەزدە كەدەن وداعىنىڭ «دوڭعالاقتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىنىڭ بۇزىلعانى انىقتالدى. «استاناداعى «كورمە» ورتالىعىنىڭ ساۋدا الاڭىن جالعا العان «مەدينا-2008» ج ش س- ىنە تەكسەرىس بارىسىندا رەسەيدە وندىرىلگەن، سوماسى 68,5 ميلليون تەڭگە بولاتىن Lifan, Renault, Chevrolet ماركالى جانە باسقا دا اۆتوموبيلدەردىڭ كولىك قۇرالى ءتيپىن ماقۇلداۋ تۋرالى قۇجاتتارسىز ساتىلۋ فاكتىسى انىقتالدى»، - دەلىنگەن حابارلامادا.

مامانداردىڭ تۇسىندىرۋىنشە، اينالىمعا ءتيىستى قۇجاتتارى جوق اۆتوكولىك قۇرالدارىن شىعارۋ 2015-جىلدىڭ 1- قاڭتارىنان باستاپ كۇشىنە ەنگەن № 018/2011 «دوڭعالاقتى كولىك قۇرالدارىنىڭ قاۋىپسىزدىگى تۋرالى» كەدەن وداعى تەحنيكالىق رەگلامەنتىن بۇزۋ بولىپ سانالادى. تەكسەرىس ناتيجەلەرى بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 415-بابىنا سايكەس، «مەدينا» ج ش س- ءنىڭ اۆتوكولىك قۇرالدارىن ساتۋى توقتاتىلدى، زاڭدى تۇلعا جاۋاپقا تارتىلاتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى