قازاقستاندىق شاڭعىشى قىزدار سلوۆاكياداعى ۋنيۆەرسيادادا كۇمىس جۇلدەگەر اتاندى
قازاقستاننىڭ جانە رەسەيدىڭ سپورت تەلەارنالارى كورسەتكەنىندەي، ءار قۇراما ۇزدىك ءۇش شاڭعىشىنى جارىسقا قوستى. ولاردىڭ ءارقايسىسى بەس شاقىرىمنان جۇگىرىپ ءوتتى.
قۇرامىندا اننا ستويان، ۆيكتوريا لانچاكوۆا جانە اناستاسيا سلونوۆا بار قازاقستاندىقتار مارەگە رەسەيلىكتەردەن كەيىن ەكىنشى بولىپ جەتتى. قولا جۇلدەنى فرانسيا قۇراماسى يەلەندى.
وسى سايىستان كەيىن قورجىنىندا ەكى التىن، قوس كۇمىسى بار قازاقستان قۇراماسى جالپى كوماندالىق ەسەپتە قايتادان ەكىنشى ورىنعا كوتەرىلدى.
ايتا كەتەيىك، بۇل - اناستاسيا سلونوۆانىڭ وسىمەن ءۇشىنشى مەدالى. ول بۇعان دەيىن ءبىر التىن، ءبىر كۇمىس جۇلدەنى جەڭىپ العان بولاتىن.
اۆتور: ەلجان ەرالى
