بەلگيا مۋزىكانتتارى «قاماجاي» ءانىن ەۋروپالىق مانەردە ورىندادى - كەسكىن
ەۋروپا مەن امەريكاعا تانىمال توپ قازاقستاندىق تەلەارنالاردىڭ بىرىنە بەرگەن سۇحباتىندا نەلىكتەن «قاماجايدى» ورىنداۋعا شەشىم قابىلداعانىن ايتتى. توپتىڭ باس گيتاراشىسى سەدريك ۆاتەرسۋكتتىڭ ايتۋىنشا، «قاماجاي» ءانى قازاق حالقىنىڭ تاريحىندا ەرەكشە ورىن الادى.
بەلگيالىقتار ءاندى ورىنداماس بۇرىن ينتەرنەتتەن بۇل كومپوزيتسيانىڭ قالاي شىرقالاتىنىن قاراپ شىققان. ەندى بۇل توپ «قاماجاي» ءانىن قازاقستاندىق انشىمەن بىرگە ورىنداعىسى كەلەدى. ايتا كەتەيىك، ەكى گيتارا، سكريپكا، ۆولىنكا، بارابان اسپاپتارىمەن ورىندالعان حالىق ءانى ولاردىڭ ستۋديالىق ءانجيناعىنىڭ قاتارىنا ەنىپ ۇلگەرگەن.
Julien Jaffres توبى قازاق اندەرىن ورىنداعان ەۋروپالىق تۇڭعىش ورىنداۋشى ەمەس. ءتورت جىل بۇرىن بەلگيا ءانشىسى ۆيم رولاند ابايدىڭ «كوزىمنىڭ قاراسى» ءانىن شىرقاعان بولاتىن.
