سودىرلار جاپون جۋرناليسىن ءولتىرىپ، ونىڭ ۆيدەوسىن ينتەرنەتتە جاريالادى
«بۇل زۇلىمدىق مەنى قاتتى جيىركەندىرىپ، اشۋلاندىردى. ءبىزدىڭ ەلىمىز لاڭكەستىككە قارسى كۇرەستى حالىقارالىق قاۋىمداستىقپەن بىرگە جالعاستىرا بەرەتىن بولادى»، - دەدى ابە جۋرناليستەرگە بەرگەن سۇحباتىندا.
ВВС اگەنتتىگىنىڭ حابارلاۋىنشا، «يسلام مەملەكەتى» سودىرلارى جاپونيا جۋرناليسى كەندزي گوتونى ولتىرگەن ءساتتى ۆيدەوعا ءتۇسىرىپ جاريالاعان. جاپونيا ب ا ق- تارىنىڭ جازۋىنشا، قازىرگى ۋاقىتتا ۆيدەو ءتۇسىرىلىمنىڭ ينتەرنەتتەگى نۇسقاسىنىڭ ناقتىلىعى تەكسەرىلىپ جاتىر.
20 - قاڭتار كۇنى «يسلام مەملەكەتى» سودىرلارى ەكى جاپون تۇتقىنى ءۇشىن جاپونيادان 200 ميلليون دوللار تالاپ ەتكەن.
سەنبى كۇنى جاپون ۇكىمەتى سودىرلارمەن كەلىسسوز شەشىلمەگەنىن حابارلاعان بولاتىن.
