ساۋد ارابياسىنىڭ كورولى ەل باسشىلىعىنداعى وزگەرىستەر تۋرالى جاريالادى
كورولدىڭ دەكرەتىمەن حانزادا حالەد يبن باندار يبن ابدەل ءازيز ەلدىڭ بارلاۋ قىزمەتىنىڭ باسشىسى لاۋازىمىنان بوساتىلدى. بۇدان باسقا، حانزادا باندار يبن سۇلتان ساۋد ارابياسىنىڭ ۇلتتىق قاۋىپسىزدىك كەڭەسىنىڭ باس حاتشىسى قىزمەتىنەن بوساتىلدى.
ساۋد ارابياسى بۇرىنعى كورولىنىڭ ەكى ۇلى دا قىزمەتتەرىنەن بوساتىلعان - حانزادا ماشاال مەككە پروۆينتسياسىنىڭ گۋبەرناتورى، ال حانزادا تۋركي ەل استاناسى - ەر-رياد قالاسىنىڭ اكىمى بولىپ جۇمىس ىستەگەن ەدى. ابداللانىڭ تاعى ءبىر بالاسى - حانزادا ميتەب ۇلتتىق گۆارديا ءمينيسترى قىزمەتىنەن كەتتى.
سالمان يبن ابدەل ءازيزدىڭ كورول بولعانىنا ءبىر اپتا بولدى - ول بۇل قىزمەتكە بۇرىنعى كورول ابداللا كوز جۇمعاننان كەيىن كەلدى.
