اۋلاسىنىڭ قارىن جيناماعان ا ق ش مەملەكەتتىك حاتشىسىنا ايىپپۇل سالىندى

Politico باسىلىمىنىڭ حابارلاۋىنشا، ول ەندى بوستون قازىناسىنا 50 دوللار تولەۋى ءتيىس.

ساياساتكەردىڭ قالا مەرى مارتين ۋولشتىڭ بۇيرىعىن ورىنداماعانى تۋرالى جەرگىلىكتى تۇرعىندار اۋلاسىندا جاتقان قار ءۇيىندىسىن سۋرەتكە ءتۇسىرىپ الىپ، ونى قالا سايتىنا ورنالاستىرۋ ارقىلى حابارلاعان ەكەن.

دجون كەرريدىڭ باسپا ءسوز حاتشىسى گلەن دجونسون ساياساتكەردىڭ ساۋد ارابياسىندا ساپارمەن جۇرۋىنە بايلانىستى اۋلاسىنداعى قاردىڭ ۋاقىتىلى تازارتىلۋىن قاداعالاي المادى دەپ ءتۇسىندىردى بولعان جايتتى.

«مەملەكەتتىك حاتشى ايىپپۇلدى قۋانا-قۋانا تولەۋگە ءازىر. بۇل بوران وسى جىلداعى ەڭ قالىڭ بوران بولدى دەپ ۇمىتتەنەيىك»، - دەگەن باسپا ءسوز حاتشىسىنىڭ سوزدەرىن مىسالعا كەلتىرەدى The Boston Herald باسىلىمى.

ول سونداي-اق اۋلاداعى قار ايىپپۇل تۋرالى ەسكەرتۋ قاعاز كەلىسىمەن-اق تازارتىلعانىن جەتكىزدى، دەپ جازادى Associated Press.

ەستەرىڭىزگە سالا كەتەيىك، 27 - قاڭتاردا ا ق ش-تىڭ شىعىس جاعالاۋىندا داۋىل سوعىپ، سوڭى قالىڭ قارعا ۇلاسقان بولاتىن. جارتى مەتردەن جوعارى قار تۇسكەن بوستون قالاسىنىڭ مەرى مارتين ۋولش جەرگىلىكتى تۇرعىنداردى كوممۋنيكاتسيا قىزمەتكەرلەرىنە كومەكەسۋگە شاقىردى. ونىڭ جەكە تاپسىرماسىنا سايكەس، تۇرعىندار ءوز ۇيلەرىنىڭ الدىنداعى اۋلالاردى قاردان تازارتۋعا مىندەتتەلدى، دەپ حابارلايدى ر ي ا نوۆوستي.

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى