قىتاي باسشىلىعى گرەكيا ساياساتىنىڭ وزگەرۋىنە الاڭداۋدا
ساۋداعا ۇسىنىلعان نىساندار اراسىندا ەلدەگى ەڭ ءىرى تەڭىز ايلاعى اكسيالارىنىڭ باقىلاۋ پاكەتى بولعان.
وسى ايلاقتى يەلەنۋگە قىتايلىق «كوسكو» كومپانياسىنىڭ ءۇمىتى مول ەدى. 2008 - جىلى بۇل كومپانيا ايلاقتىڭ باسىم بولىگىن 35 جىلعا كونسەسسياعا، ياعني ءوز باسقارۋىنا العان بولاتىن. 2014 - جىلدىڭ ماۋسىم ايىندا گرەكيا جەكەشەلەندىرۋ قورى پيرەي ايلاعىن ساتىپ الۋعا نيەتتى بەس شەتەلدىك كومپانيانى بەكىتكەن بولاتىن.
الايدا ەلدىڭ ساياسي باعىتى كۇرت وزگەرگەندىكتەن، وسى كەلىسىمنىڭ بولاشاعى بەلگىسىز.
شان دانياڭ، قىتاي ساۋدا مينيسترلىگىنىڭ وكىلى:
- ءبىز قاتتى الاڭداۋدامىز. قىتاي مەن گرەكيا اراسىندا جاقسى قارىم-قاتىناس پەن ەكىجاقتى ەكونوميكالىق پەن ساۋدا بايلانىستارى قالىپتاسقان. «كوسكو» كومپانياسىنىڭ پيرەي ايلاعىن باسقارۋى - ەكى ەل حالىقتارىنىڭ مۇددەسىن كوزدەگەن ءوزارا ءتيىمدى ىنتىماقتاستىقتىڭ جاقسى ۇلگىسى.
قىتاي ساۋدا مينيسترلىگى وكىلى گرەكيا جاڭا ۇكىمەتى ساياساتىنىڭ باعىتىن مۇقيات باقىلايتىنىن جەتكىزدى.
شان دانياڭ، قىتاي ساۋدا مينيسترلىگىنىڭ وكىلى:
- ساۋدا مينيسترلىگى گرەكيا ۇكىمەتىمەن قاتىناسىپ ءجۇر جانە ءبىز قىتاي كومپانيالارى، ونىڭ اراسىندا «كوسكونىڭ» دا زاڭدى قۇقىقتارىن قورعاۋعا شاقىرامىز.
ەسكە سالىپ كەتسەك، گرەكيانىڭ بۇرىنعى ۇكىمەتى قابىلداعان جەكەشەلەندىرۋ باعدارلاماسى حالىقارالىق نەسيە بەرۋشىلەردىڭ قولداۋىنا يە بولعان ەدى. مەملەكەتتىك نىسانداردى ساتۋدان تۇسەتىن قاراجاتتىڭ ءبىراز بولىگى گرەكيانىڭ سىرتقى قارىزىن وتەۋگە جۇمسالۋى ءتيىس ەدى.
www.24.kz
