بيىل بيداي مەن كۇرىش ەگىستىكتەرى قىسقارادى

«باستاپقى سالماقتا 18,9 ميلليون توننا استىق باستىرىلىپ، ورتاشا تۇسىمدىلىك گەكتارىنان 12,7سەنتنەردى قۇرادى. سونىمەن قاتار تازالانعان كەيىن استىقتىڭ جالپى كولەمى 17 ميلليون توننا دەڭگەيىندە بولجانىپ وتىر. بۇل ىشكى تۇتىنۋدى ەسكەرگەندە، ەكسپورتتىق الەۋەتتى 7 ميلليون تونناعا دەيىن جەتكىزۋگە مۇمكىندىك بەرەدى. وسى رەتتە اتاپ وتەتىن جايت، استىق نارىعىنداعى سۇرانىس پەن ۇسىنىستار كولەمىنىڭ تەڭگەرىلۋى ناتيجەسىندە قالىپتاسقان بيىلعى جىلدىق بيدايدىڭ جوعارى نارىقتىق باعالارى فەرمەرلەرگە ەگىن وراعى كەزىندەگى شىعىندارىنىڭ ورنىن تولتىرۋعا ىقپال ەتەدى»، - دەدى ۆيتسە- مينيستر.

ونىڭ سوزىنە قاراعاندا، وبلىستاردىڭ الدىن الا دەرەكتەرى بويىنشا 2015 - جىلى اۋىل شارۋاشىلىعى داقىلدارىن 21,5 ميلليون گەكتار القاپقا ورنالاستىرۋ جوسپارلانىپ وتىر. كوكتەمگى ەگىس القابى 18,5 ميلليون گەكتاردى قۇراماق. وسى ورايدا ءداندى داقىلدار 15,2 ميلليون گەكتارعا، ونىڭ ىشىندە بيداي 12,2 ميلليون گەكتارعا ەگىلمەك.

«بىلتىرعى دەڭگەيگە قاراعاندا، بيداي ەگىستەرى 235 مىڭ گەكتارعا، كۇرىش 8,5 مىڭ گەكتارعا قىسقارادى دەپ كۇتىلۋدە»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى