ق. جاقىپوۆ: قىتاي قازاقستاننىڭ ەڭ ءىرى سىرتقى ساۋدا ارىپتەسى
«مەيماندى ءبىزدىڭ ەلىمىزدەگى ديپلوماتيالىق جۇمىسىنىڭ باستالۋىمەن قۇتتىقتاعان پالاتا سپيكەرى ديپلوماتيالىق بايلانىس ورناعان 23 جىلدىڭ ىشىندە ءبىزدىڭ ەلدەرىمىزدىڭ مەملەكەتارالىق قارىم- قاتىناستىڭ جارقىن ۇلگىسىن قالىپتاستىرعانىن ءسوز ەتتى. بۇل ەڭ الدىمەن قازاقستان مەن قىتاي باسشىلارى اراسىنداعى ءتيىمدى ءۇنقاتىسۋدىڭ ناتيجەسى»، - دەلىنگەن حابارلامادا.
ساۋدا- ەكونوميكالىق بايلانىستى نىعايتۋ جايىن ءسوز ەتكەندە ءماجىلىس ءتوراعاسى قىتاي قازاقستاننىڭ ەڭ ءىرى سىرتقى ساۋدا ارىپتەسى ەكەنىن اتاپ ءوتتى. ءبىزدىڭ ەلىمىزدىڭ جالپى تاۋار اينالىمىندا ەكى جاقتى تاۋار اينالىمىنىڭ ۇلەسى 20 پايىز ارتتى. پالاتا سپيكەرىنىڭ پىكىرىنشە، اسىرەسە، كولىكتىك- ترانزيتتىك سالانىڭ الەۋەتى زور. ال، اعىمداعى جىلى «باتىس ەۋروپا - باتىس قىتاي» كولىك ماگيسترالىنىڭ قازاقستاندىق اۋماعىنىڭ ىسكە قوسىلۋى تاعى دا جاڭا مۇمكىندىكتەرگە جول اشپاق.
تاراپتار پارلامەنتارالىق ىنتىماقتاستىق جايىن ءسوز ەتكەندە دەپۋتاتتىق توپتاردىڭ، بەيىندى كوميتەتتەردىڭ، جالپى ەكى ەل پارلامەنتتەرىنىڭ اراسىنداعى بايلانىسقا ايرىقشا نازار اۋداردى. وسىعان بايلانىستى ءماجىلىس سپيكەرى بۇكىل قىتايلىق حالىق وكىلدەرى جينالىسىنىڭ تۇراقتى كوميتەتىنىڭ ءتوراعاسى جاڭ دەتسزيانعا ءبىزدىڭ ەلىمىزگە ساپارمەن كەلۋى ءۇشىن شاقىرۋ جولدادى.
ءوز كەزەگىندە ەلشى ءبىزدىڭ مەملەكەتتىڭ جەتىستىكتەرىنە جوعارى باعا بەرىپ، بەيجىڭ ءۇشىن قازاقستان ورتالىق ازياداعى ەڭ ماڭىزدى ارىپتەستىڭ ءبىرى سانالاتىنىن ايتىپ، الداعى ۋاقىتتا دا بارلىق بايلانىستاردى ودان ءارى دامىتۋعا دايىن ەكەنىن جەتكىزدى.
- تۇراقتى ءارى گۇلدەنگەن قازاقستان قىتايدىڭ نەگىزگى مۇددەلەرىنە ساي كەلەدى، - دەدى ديپلومات.
