داريعا نازاربايەۆا ب ۇ ۇ ق ك تۇراقتى ەمەس مۇشەلىگىنە ق ر كانديداتۋراسىن جىلجىتۋ جونىندەگى ەلباسى جولداۋىن ا. مەركەلگە تابىس ەتتى
ساپاردىڭ نەگىزگى ماقساتى - گەرمانيا كانسلەرى ا. مەركەلگە 2017-2018 - جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ كانديداتۋراسىن جىلجىتۋ جونىندەگى ەلباسىنىڭ جولداۋىن تاپسىرۋ، سونداي-اق ەكى ەل اراسىندا پارلامەنتارالىق ىنتىماقتاستىقتىڭ جاي-كۇيىن جانە بولاشاعىن تالقىلاۋ.
ساپار باستالعان كۇنى داريعا نازاربايەۆا بەرليندە بۋندەستاگ ءتوراعاسىنىڭ ورىنباسارى يوحاننەس زينگحاممەرمەن جانە بەرلين سەناتىنىڭ سپيكەرى رالف ۆيلاندپەن ەكىجاقتى كەزدەسۋلەر وتكىزدى.
كەلىسسوزدە قازاقستان مەن گەرمانيانىڭ پارلامەنتارالىق بايلانىستارىن نىعايتۋ ماسەلەسى ءسوز ەتىلدى.
2017-2018 - جىلداردا ب ۇ ۇ قاۋىپسىزدىك كەڭەسىندەگى ورىنعا قازاقستان سۇرانىمىن جان- جاقتى تالقىلاۋ ماقساتىندا د. نازاربايەۆا گ ف ر سىرتقى ىستەر مينيسترلىگىنىڭ ستاتس-حاتشىسى ماركۋس ەدەرەرمەن جانە عالامدىق ماسەلەلەر بويىنشا فەدەرالدىق ۇكىمەتتىڭ ۋاكىلى پاتريتسيا فلورمەن كەلىسسوزدەر وتكىزدى.
د. نازاربايەۆا 2017-2018 - جىلدارى قازاقستاننىڭ كانديداتۋراسىن ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە جىلجىتۋ جونىندەگى ەلباسىنىڭ فەدەرالدىق كانتسلەرى ا. مەركەلگە ارناعان جولداۋىن تاپسىردى.
سونىمەن قاتار، ق ر پارلامەنت ءماجىلىسى ءتوراعاسىنىڭ ورىنباسارى گەرمانيانىڭ جەتەكشى ەكونوميكالىق بىرلەستىكتەرىنىڭ باسشىلارىمەن جانە بۋندەستاگ دەپۋتاتتارىمەن، ورتالىق ازيا - گەرمانيا پارلامەنتتىك توبىنىڭ مۇشەلەرىمەن كەزدەسۋ وتكىزدى. ستراتەگيالىق ىنتىماقتاستىق جونىندەگى قازاقستاندىق-گەرماندىق ىسكەر كەڭەسىنىڭ باسشىلارى مەن وكىلدەرى، سونداي-اق نەمىس پارلامەنتىنىڭ مۇشەلەرى «نۇرلى جول - بولاشاققا باستار جول» اتتى ەلباسى جولداۋىنداعى قازاقستاننىڭ جاڭا ەكونوميكالىق ساياساتىنىڭ تيىمدىلىگىنە جوعارى باعا بەردى.
