سەلينوگراد اۋدانىندا وندىرىلەتىن قويان ەتىنە استانا تۇرعىندارى تاراپىنان سۇرانىس ارتىپ كەلەدى

بۇل تۋرالى اقمولا وبلىسىنىڭ اكىمى سەرگەي كۋلاگيننىڭ وڭىرگە جۇمىس ساپارى بارىسىندا ايتىلدى.

قويان وسىرۋمەن اينالىساتىن «استانا مياكرو» اسىل تۇقىمدى شارۋاشىلىق» ج ش س- ى 2012 -جىلى قۇرىلعان بولاتىن. العاشىندا رەسەيدىڭ نوۆو ءسىبىر قالاسىنان جانە وڭتۇستىك قازاقستان وبلىسىنان 70 انالىق جانە 10 اتالىق قويان ساتىپ اكەلىنگەن. سەرىكتەستىك باسشىسىلارىنىڭ ايتۋىنشا، مۇنداي جاڭا جوبا نارىقتاعى سۇرانىس جان-جاقتى ەسكەرىلىپ، زەرتتەلگەن سوڭ عانا قولعا الىنعان كورىنەدى.

قازىرگى كەزدە، مۇندا «كەڭەستىك شينشيللا»، «كۇمىستەي»، «اق الىپ» اسىل تۇقىمدى قويانداردىڭ سانى 1239 جەتكەن. ونىڭ 201 انالىق قويان.

«ءىرى قارا ەتىمەن سالىستىرعاندا قويان ەتىننىڭ باعاسى قىمباتتاۋ بولعانىمەن جەڭسىك اس بولعاندىقتان، وعان دەگەن سۇرانىس جوعارى. اسىرەسە، استانا قالاسىنداعى ءبىرقاتار مەيرامحانالار مەن ءدامحانالار، ساۋدا ورىندارى جانە دۇكەندەرى ءبىزدىڭ تۇراقتى تۇتىنۋشىلارىمىز. وتكەن جىلى بارلىعى 4 توننادان استام قويان ەتىن وندىردىك. بيىلعى جىلى قۇراما جەم زاۋىتىن سالىپ، ىسكە قوسۋدى جوسپارلاپ وتىرمىز. سونىمەن قاتار، انالىق قويانداردىڭ سانىن دا 500 گە جەتكىزەتىن بولامىز. ول ءۇشىن بىزدە بارلىق مۇمكىندىكتەر قاراستىرىلعان»، - دەيدى سەرىكتەستىك باسشىسى التىنبەك نۇركەجانوۆ.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى