تەڭگەمەن نەسيە بەرمەيتىن بانكتەردى جازالاۋ ۇسىنىلدى
كەشە ءماجىلىستىڭ جالپى وتىرىسىندا سۆەتلانا قادىراليەۆا ۇلتتىق بانك ءتوراعاسى قايرات كەلىمبەتوۆكە دەپۋتاتتىق ساۋال جولداپ، ەكىنشى دەڭگەيلى بانكتەرگە قاتىستى قانداي جازا قولدانۋ كوزدەلىپ وتىرعانىن سۇرادى.
«اق جول» پارتياسىنا كاسىپكەرلەردەن ەكىنشى دەڭگەيلى بانكتەردىڭ تەڭگەمەن كرەديت بەرۋدى مۇلدەم دەرلىك توقتاتقاندارىنا قاتىستى شاعىمدار كوپ تۇسەدى. بارلىق كرەديتتەر دوللارمەن نەمەسە شەتەل ۆاليۋتاسىنىڭ باعامىنا بەكىتىپ بەرىلەدى. كەي جاعدايدا كرەديت تەڭگەمەن راسىمدەلگەندە، پايىزدىق مولشەرلەمەسى وتە جوعارى بولادى، بۇل ورايدا كاسىپكەرلىك قىزمەتتى اشىپ، دامىتۋدىڭ ءمانى جوعالادى»، - دەيدى قادىراليەۆا.
دەپۋتاتتىڭ سوزىنشە، بۇل شەكتەۋلەر ينفلياتسياعا قارسى تۇرۋ ماقساتىندا ەنگىزىلۋى مۇمكىن.
«ولاي بولسا، جاڭا بيزنەس- جوبالار جونىندە، جالپى ەكونوميكالىق دامۋ تۋرالى ۇمىتقان ءجون. 2014-جىلدىڭ 15- جەلتوقسانىندا پرەزيدەنتتىڭ ينفلياتسياعا قارسى تۇرۋ تۋرالى عانا ەمەس، ەكونوميكانى دوللارعا تاۋەلسىز ەتۋدى تاپسىرعانى بەلگىلى. ياعني، قازاقستان اۋماعىندا قارجىلىق جوسپارلاۋ مەن رەسمي جانە ىشكى ەسەپ ايىرىسۋ كەزىندە دوللار جانە وزگە دە شەتەلدىك ۆاليۋتانى پايدالانۋدان باس تارتۋ كەرەك دەگەن ءسوز»، - دەيدى حالىق قالاۋلىسى.
دەگەنمەن، كاسىپكەرلىك سەكتوردى كرەديتتەۋ نارىعىنداعى قازىرگى جاعداي بۇعان مۇلدەم كەرىسىنشە بولىپ وتىر. دەپۋتاتتىڭ اتاپ وتۋىنشە، بانكتەردىڭ ۆاليۋتالىق تاۋەكەلدەردى كاسىپكەرلەر مەن حالىققا ارتىپ وتىرعانى تۇسىنىكتى.
«وسىعان بايلانىستى، قايرات نەمات ۇلى، سىزدەن كەلەسى سۇراقتارعا جاۋاپ بەرۋىڭىزدى سۇرايمىز: ۇلتتىق بانك كرەديت نارىعىنداعى ۇلتتىق ۆاليۋتانىڭ تاپشىلىعىنان حاباردار ما؟ ەگەر حاباردار بولسا، بۇل ماسەلەنى شەشۋ بويىنشا ۇلتتىق بانك قانداي ءىس-شارالاردى قولعا الدى؟ تەڭگەمەن كرەديت بەرۋدەن باس تارتىپ وتىرعان ەكىنشى دەڭگەيلى بانكتەر نورمالاردى بۇزىپ وتىرعان جوق پا؟ ەگەر بۇزىپ وتىرسا، ۇلتتىق بانك ولاردى قالاي جازالاماق؟»، - دەگەن قادىراليەۆا. «اق جول» پارتياسى دەپۋتاتتارىنىڭ ساۋالدارىن جەتكىزدى.
BNews
