دەپۋتاتتار ىشكى ىستەر مينيسترىنە شۇيلىكتى

ويتكەنى، «جول قوزعالىسى» تۋرالى جاڭا زاڭدا بالالارعا ارنالعان اۆتوكرەسلونىڭ ماتەريالى، كولەمى، ساپاسىنا، قاۋىپسىزدىگىنە قاتىستى نورما مۇلدەم جوق. سوندىقتان جول بويىندا تۇرعان پوليتسەي جۇرگىزۋشىنى توقتاتىپ ويىنا كەلگەن ورىندىقتى سۇراۋعا قۇقىلى. مۇنىڭ سوڭى جەمقورلىققا اپارادى. ءتيىستى تەحنيكالىق رەگلامەنت زاڭدا اشىلىپ جازىلماعاندىقتان اركىمدىكى وزىنە دۇرىس. قۇجاتتاعى وسى ولقىلىقتى ءتيىمدى پايدالانعاندار اۆتوكرەسلونى كادىمگى كورپەشەدەن تىگىپ الىپ قۋلىققا كوشىپ جاتىر. دەپۋتاتتار سونداي قاراما-قايشىلىقتى دەرەۋ جويۋدى سۇراۋدا. كەزىندە زاڭدى ىڭ-شىڭسىز قابىلداپ جىبەرگەن حالىق قالاۋلىلارى ەندى ىشكى ىستەر مينيسرىنە ءسوزىن وتكىزە الماي قور بولىپ وتىر. سوندىقتان ەلىمىزدىڭ باس پوليتسەيىن رايىنان قايتارۋدى ۇكىمەت باسشىسىنان تاعى سۇرادى.

مەرۋەرت قازبەكوۆا، ءماجىلىس دەپۋتاتى:

- بالالارعا ارنالاعان اۆتوكرەسلونىڭ ناقتى قانداي بولۋ كەرەك ەكەنى بەلگىسىز. سوندىقتان جۇرگىزۋشىلەر قولعا ىلىنگەن كرەسلونى ساتىپ الۋدا. ونىڭ باسىم بولىگى قىتايدا جاسالعان، ساپاسى سىن كوتەرمەيدى. ءبىز ايتقان تالاپ كەشەۋىلدەسە، حالىق تاعى شىعىنعا باتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى