ماڭعىستاۋ فيلارمونياسى باكۋدە ونەر كورسەتتى
ماڭعىستاۋلىق ونەرپازدار ديريجەر راحات مادريەۆتىڭ جەتەكشىلىگىمەن ابىل تاراق ۇلى اتىنداعى حالىق اسپاپتى وركەسترىنىڭ سۇيەمەلدەۋىمەن ونەر كورسەتتى.
ولار حالىق اندەرىمەن قاتار، ازەربايجان، قازاق كومپوزيتورلارىنىڭ جانە الەمنىڭ ۇزدىك تۋىندىلارىن ورىندادى.
كەش مۋسليم ماگومايەۆ اتىنداعى ازەربايجان مەملەكەتتىك فيلارمونياسىندا ءوتتى.
گاسترول ازەربايجان مادەنيەت جانە تۋريزم مينيسترلىگى، ازەربايجانداعى قازاقستان ەلشىلىگى، فيلورمونيانىڭ مەرەيتويى قۇرمەتىنە ماڭعىستاۋ وبلىسى اكىمدىگىنىڭ قولداۋىمەن ءوتتى.
ۇيىمداستىرۋشىلار مۇنداي شارالار ەكى ەل اراسىنداعى مادەني بايلانىستاردى دامىتۋعا، باۋىرلاس ەلدەر ونەرىن ناسيحاتتاۋعا ىقپال ەتەتىنىن ايتتى.
