ءا. جاقسىبەكوۆ: ەلوردا قاۋىپسىزدىك پەن قۇقىقتىق ءتارتىپ ەتالونى بولۋى كەرەك
وتىرىسقا ەلوردا اكىمى ادىلبەك جاقسىبەكوۆ قاتىستى.
وتىرىس بارىسىندا وتكەن جىلى قۇقىقتىق ءتارتىپتى، زاڭدى تۇلعالاردىڭ مۇددەلەرىن، مەملەكەتتىك بيۋدجەتتى تولىقتىرۋ، سونىمەن قاتار، ازاماتتاردىڭ قۇقىقتارى مەن بوستاندىعىن قورعاۋدى قامتاماسىز ەتۋ ماسەلەلەرىنە باسا نازار اۋدارىلعانى اتاپ ءوتىلدى، دەپ حابارلادى astana.gov.kz.
2014 - جىلدىڭ قورىتىندىسى بويىنشا جالپى قۇنى 283,3 ميلليارد تەڭگەنى قۇرايتىن مۇلىك بيۋدجەتكە قايتارىلدى. جالپى، 6 ميلليارد تەڭگەدەن استام اكىمشىلىك ايىپپۇل ءوندىرىپ الىندى.
كەزدەسۋ بارىسىندا ەلوردا اكىمى قالالىق پروكۋراتۋرانىڭ جۇمىسىنىڭ بىرنەشە پروبلەمالىق باعىتتارىنا ەرەكشە نازار اۋداردى. مىسالى، باقىلاۋ-قاداعالاۋ ورگاندارىنىڭ تاراپىنان مەملەكەتتىك ورگانداردىڭ جۇمىسىن قيىنداتاتىن تەكسەرۋلەردى بولدىرماۋ ماقساتىندا ادىلبەك جاقسىبەكوۆ جۇيەلى شارالاردى قابىلداۋدى ۇسىندى.
- بۇگىندە تەكسەرۋ ءىس-شارالارىن جۇرگىزۋ ماسەلەلەرى بويىنشا باقىلاۋ-قاداعالاۋ ورگاندارىنىڭ جۇمىسىندا جۇيەلىلىك پەن كەلۋسىشىلىك جوق. بۇل مەملەكەتتىڭ ەڭبەك جانە ماتەريالدىق رەسۋرستارىن ءتيىمسىز پايدالانۋعا اكەلەدى. ءتىپتى، باسقارمانىڭ قىزمەتكەرلەرىنىڭ ۇشتەن ەكى بولىگى تەكسەرۋ بارىسىندا نازارىن نەگىزگى جۇمىستان باسقاعا اۋدارۋعا ءماجبۇر بولادى، - دەدى قالا باسشىسى.
2014 - جىلى قالالىق پروكۋراتۋرا جەكەمەنشىكتى جانە مەملەكەتتىك قۇرىلىمداردا 347 تەكسەرۋ جۇرگىزگەن.
سونىمەن قاتار، كادرلىق قۇرامنىڭ ديسپروپورتسياسىن دا اتاپ وتكەنىمىز ءجون. ەلوردا اكىمدىگىنىڭ ۆەدومستۆوعا قاراستى قۇرىلىمداردىڭ شتاتىندا 817 ادام بولسا، باقىلاۋ-قاداعالاۋ ورگاندارىنداعى قىزمەتكەرلەر سانى 1400 جۋىق، نەمەسە، ءاربىر جۇمىسشىعا - 1,6 تەكسەرۋشىدەن كەلەدى.
اكىمنىڭ ايتۋىنشا، پروكۋراتۋرا قىزمەتكەرلەرى، ءبىرىنشى كەزەكتە حالىققا زاڭداردىڭ مازمۇنىن ءتۇسىندىرۋ كەرەك، جەكە جانە زاڭدى تۇلعالار زاڭ بۇزۋشىلىقتىڭ جازاعا اكەلەتىنىن دۇرىس ءتۇسىنۋى كەرەك. استانا ەلىمىزدىڭ تىنىس-تىرشىلىگىندە ماڭىزدى رول اتقاراتىندىقتان، قالالىق پروكۋراتۋرا دا ەلوردالىق مارتەبەگە ساي بولۋعا ءتيىس، زاڭدىلىق پەن قۇقىقتىق ءتارتىپتى قامتاماسىز ەتۋدە ۇلگى الارلىق ورگانعا اينالۋى كەرەك.
- ءبىزدىڭ ماقساتىمىز ءبىر - استانانى زاماناۋي، جايلى قاۋىپسىز قالاعا اينالدىرۋ. پروكۋراتۋرا جوعارى قاداعالاۋ قىزمەتىن اتقارادى، ەلورداداعى قوعامدىق-ساياسي تۇراقتىلىق ونىڭ قىزمەتىنە بايلانىستى، - دەدى اكىم.
القا وتىرىستىڭ قورىتىندىسى بويىنشا قاداعالاۋ قىزمەتىنىڭ تيىمدىلىگىن ودان ءارى ارتتىرۋ بويىنشا شۇعىل ۇيىمداستىرۋ-پراكتيكالىق شارالار بەلگىلەندى.
