قۇنسىزدانۋ «شەرۋىنە» الەمدە تاعى ءبىر ەلدىڭ اقشاسى قوسىلدى
ايرىقشا تۇراقتىلىعىمەن ەرەكشەلەنىپ كەلگەن اقشا بىرلىگى دوللارعا قاتىستى 3 جىل بۇرىنعى كورسەتكىشىنە قايتا ءتۇستى.
بۇل ۇلتتىق ورتالىق بانكتىڭ توسىن سىيى بولدى. ارال-قالانىڭ باستى قارجى رەتتەۋشى مەكەمەسى مونەتارلىق ساياساتىن السىرەتتى.
ماماندار «بۇل - الەمدىك ءىرى دەرجاۆالاردىڭ ءوز ەكونوميكاسىنىڭ باسەكەگە قابىلەتتىلىگىن ارتتىرۋ ءۇشىن جۇرگىزىپ جاتقان ۆاليۋتالىق سوعىستارىنىڭ كەزەكتى كورىنىسى» دەپ باعالاۋدا. سينگاپۋرلىق دوللار قۇنسىزدانۋ شەرۋىنە رەسەيلىك رۋبل، جاپوندىق يەنا، قىتاي يۋانىنەن كەيىن قوسىلىپ وتىر. ءارى مۇنىڭ نەبارى ءبىر ايعا جەتپەس قىسقا مەرزىمنىڭ ىشىندە جۇزەگە استى. ساراپشىلاردىڭ پىكىرىنشە، بۇل - امەريكالىق دوللاردىڭ شارىقتاپ بارا جاتقان باعامىنا قاتىستى وزگە ەلدەردىڭ قالىپتى رەاكسياسى، سەبەبى ولار ءۇشىن قازىر «نە قۇرۋ كەرەك، نە قۇنسىزداندىرۋ كەرەك» دەگەن ەكى جولدىڭ ءبىرىن عانا تاڭداۋدان باسقا امال جوق.
ءارى قۇنسىزدانۋ ءۇردىسى مۇنىمەن توقتاماق ەمەس. ۆاليۋتالىق سوعىستىڭ العاشقى قۇرباندىعىنا امەريكالىق ەكسپورتتاۋشى كومپانيالار ۇشىرادى. كۇشتى دوللار ولاردىڭ كەڭىستىگىن تارىلتىپ بارادى.
www.24.kz
