گەرمانيادا جاندىك-روبوت ويلاپ شىعارىلدى

جاندىك-روبوتقا قۇراستىرۋشىلار گەكتور دەپ ات قويعان. ونى بيلفيلد نەمىس ينستيتۋتىنىڭ ينجەنەرلەرى ويلاپ تاپتى. ەرەكشە جاندىكتىڭ التى اياعى ءبىر-بىرىنە تاۋەلسىز قوزعالا الادى.

ال بويىنا ورناتىلعان قۇرىلعى ارقىلى اينالانى كورە الادى.

قۇلتەمىردى قۇراستىرۋشى يان پاسكاربايتتىڭ ايتۋىنشا، گەكتور عىلىم سالاسىندا قولدانۋ ءۇشىن جاسالعان جوق. الايدا ونىڭ ارقاسىندا جاندىكتەردىڭ قوزعالىس تەورياسىن تانىپ- بىلۋگە بولادى.

يان پاسكاربايت، روبوتتى قۇراستىرۋشى:

- ءبىز ونى قوقىستارعا جىبەرەيىن دەپ وتىرعان جوقپىز. ول تەك بۋناق دەنەلىلەردىڭ قالايشا التى اياقپەن جۇرەتىنىن انىقتاۋ ءۇشىن جاسالدى. بالكىم، زەرتتەۋ بارىسىندا باسقا دا جاڭالىقتار اشارمىز.

گەكتوردىڭ جەڭىل قاڭقاسى پلاستيكتەن جاسالعان. ال ونىڭ مايىسقاق بۋىندارى جاندىك بۇلشىق ەتتەرىنىڭ ءرولىن اتقارادى. التى اياعى ارقىلى كەز كەلگەن كەدىر-بۇدىرلى جەردەن وتە الادى. وندىرۋشىلەر جاقىندا روبوت جان-جاعىن كورە الاتىنىن دا ايتادى.

يان پاسكاربايت، روبوتتى قۇراستىرۋشى:

- قازىر ءبىز جاندىك روبوتتىڭ اينالاسىنداعى نارسەنى كورۋ ءۇشىن وعان ارنايى بەينەكامەرا ورناتۋدى جوسپارلاپ وتىرمىز. سوندا گەكتور كادىمگى ءتىرى جاندىك سياقتى كورە الاتىن بولادى.

ماماندار روبوتقا مۇرت تا ورناتپاقشى. ول ارقىلى گۋمانويد وزىنە ءتونىپ تۇرعان قاۋىپتى سەزىنە الاتىن بولادى. ينجەنەرلەردىڭ ايتۋىنشا، بولاشاقتا بۇل قۇلتەمىردى جەتىلدىرىپ، وعان جۇك تاسىمالداتۋعا بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى