ەلىمىزدەگى ەڭ جوعارى جالاقىنى مۇناي مەن گاز سالاسى ۇيىمىنىڭ باسشىلارى الىپ وتىر

زەرتتەۋ قىركۇيەك ايىندا تولىق جۇمىس ىستەگەن جۇمىسشىلاردى قامتيدى. بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنەن حابارلاندى.

كوميتەت تاراتقان مالىمەتتەرگە قاراعاندا، 2014 - جىلدىڭ زەرتتەۋ ناتيجەلەرى كورسەتكەندەي ەكونوميكالىق قىزمەت تۇرلەرى بويىنشا جالاقى تولەۋدە جۇمىسشىلاردىڭ كاسىپتەرى اراسىندا سارالاۋ جۇرگىزىلدى. سونىمەن قاتار، باسشىلار ساناتىنا جاتاتىن قىزمەتكەرلەردىڭ ورتاشا جالاقىسى بىلىكتىلىك دەڭگەيى جوعارعى مامانداردىڭ جالاقىسىنان 1,9 ەسە، بىلىكتىلىك دەڭگەيى ورتا مامانداردىڭ جالاقىسىنان 2,3 ەسە جانە بىلىكتىلىگى جوق جۇمىسشىلار جالاقىسىنان 4,1 ەسەگە كوپ بولعان.

«ەڭ جوعارعى جالاقى شيكى مۇنايدى جانە تابيعي گازدى ءوندىرۋ سالاسىندا جۇمىسپەن قامتىلعان ۇيىمداردىڭ باسشىلارىندا -  1 ميلليون 517 مىڭ تەڭگە بولعان. بۇل كورسەتكىش كومىر جانە ليگنيت ءوندىرۋ سالاسىنداعى باسشىلاردىڭ ورتاشا الاتىن جالاقىسىنان 2,9 ەسە جانە قۇرىلىس سالاسىنداعى - 3,5 ەسە جوعارى. ال اۋە كولىگى سالاسىنداعى بىلىكتىلىگى جوعارى ماماندارى دا جوعارى جالاقى - 715-399 مىڭ تەڭگە العانىن اتاپ وتكەن ءجون»، دەلىنگەن باسپا ءسوز بايانىندا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى