ءبىز مۇناي ءوندىرۋ سالاسىنان اقىرىنداپ كەتۋىمىز كەرەك - ەكونوميست
بۇل تۋرالى «الماتى» تەلەارناسى «ىسكەرلەر ۋاقىتى» باعدارلاماسىندا ەكونوميست ماقسات حالىقوۆ مالىمدەدى.
«2006 - جىلى قازاقستاننىڭ جالپى ىشكى ءونىمى 110 پايىزعا ءوستى. بۇل ەكونوميكالىق ءوسىم بويىنشا ەڭ جوعارى كەزەڭ بولدى. سول جىلدارى الەمدىك مۇناي باعاسى 148 دوللار. ال ەندى 2009 - جىلى ەلىمىز مۇلدەم تابىس تاپقان جوق. جالپى ىشكى ءونىمىمىز ءنول دەپ ايتۋعا بولادى. مۇنايدىڭ باعاسى 38 دوللارعا دەيىن قۇلاپ كەتكەن بولاتىن. ودان كەيىنگى جىلدارى قايتا ءوسىم بايقالدى. مۇنايدىڭ باعاسى 112 دوللارعا كوتەرىلگەن بولاتىن. ەندى قازىر مۇنايدىڭ باعاسى قايتا قۇلاپ وتىر. ءبىز قازىر قارجىلىق داعدارىستى سەزبەي وتىرمىز. سەبەبى، ۇلتتىق قوردان اقشا ءبولىنىپ جاتىر. ياعني قور ارقىلى ءوز ەكونوميكامىزدى تۇراقتاندىرىپ تۇرمىز. ەندى ءبىر نارسەنى ءتۇسىنۋ كەرەك، ءبىز مۇناي ءوندىرۋ سالاسىنان اقىرىنداپ كەتۋىمىز قاجەت. سوندىقتان دا وسى يندۋستريالدى باعدارلاما دۇرىس جولعا قويىلۋ كەرەك» ، - دەدى حالىقوۆ.
ەكونوميستتىڭ ايتۋىنشا، يندۋستريالدى باعدارلامانىڭ اياسىندا ءتۇرلى جوبالار جاسالعان. ءتيىستى جۇمىستار ۋاقىتىلى جۇرگىزىلۋدە.
