تالدىقورعان قالىڭ تۇمان استىندا قالدى - فوتو

الەۋمەتتىك جەلىلەردە قالانى باسقان تۇماننىڭ سۋرەتتەرى پايدا بولدى.

«قازگيدرومەت» رەسپۋبليكالىق مەملەكەتتىك كاسىپورنىنىڭ جەتەكشى مامانى جۇلدىز يسابەكوۆانىڭ ايتۋىنشا، قازىرگى ۋاقىتتا الماتى وبلىسىندا انتيتسيكلون تۇر. جەردىڭ سۋىق بەتىنە جىلى اۋا شىعىپ، وسىعان بايلانىستى تۇمان پايدا بولدى. الداعى كۇندەردە تالدىقورعان مەن الماتى وبلىسىنىڭ كەيبىر اۋداندارىندا وسىنداي قۇبىلىس ساقتالادى، ءبىراق ازداپ سەيىلە باستايدى. الماتىدا ەلەۋسىز عانا تۇمان بولادى.

الماتى وبلىسىندا تۇندە اۋا تەمپەراتۋراسى 15-20 گرادۋس اياز، ال كۇندىز 7 گرادۋس نولدەن تومەن بولادى. وسىعان دەيىن قازاقستاندا ايازدى كۇندەردىڭ 27-29 - قاڭتار ارالىعىندا دا ساقتالاتىنى حابارلانعان ەدى. وتكەن كۇندەرى تۇندە اۋا تەمپەراتۋراسى 33-39 گرادۋس ايازعا دەيىن، ال شىعىس قازاقستاندا كەي جەرلەردە 41 گرادۋسقا، وڭتۇستىك وبلىستاردا 23-34 گرادۋس ايازعا دەيىن تۇسكەن ەدى.

ەسكە سالا كەتەيىك، مۇنداي تۇمان وتكەن جىل قاراشا ايىنىڭ باسىندا استانادا بايقالعان ەدى. سينوپتيكتەر تابيعي قۇبىلىستى اۋانىڭ كولدەنەڭ باعىتتا قوزعالۋىنان جانە ونىمەن بىرگە تەمپەراتۋرا مەن ىلعالدى اۋانىڭ اۋىسۋىنان دەپ تۇسىندىرگەن بولاتىن. ياعني وڭتۇستىك تسيكلوندار سۋىق اۋا ماسسالارىمەن الماستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى