ا ق ش-تىڭ ءبىرىنشى حانىمى ساۋد ارابياسىندا يسلام ادەبىن ەسكەرمەدى - كەسكىن
ساۋد ارابياسىنىڭ تۇرعىندارىنا ونىڭ كيىمى ۇناماسا، جۋرناليستەر ونىڭ قول بەرىپ امانداسىپ، ءداستۇردى بۇزعانىن بايقاپ قالدى.
امەريكانىڭ اقپارات قۇرالدارى مەن ساۋد ارابياسىنىڭ الەۋمەتتىك جەلى قولدانۋشىلارى بۇل ماسەلەنى قىزۋ تالقىلاپ جاتىر. مىسالى، Twitter جەلىسىن قولدانۋشىلار ميشەل وبانىڭ كورولمەن كەزدەسۋگە باس كيىمسىز بارعانىنا نارازىلىق ءبىلدىردى.
وبامانىڭ ۇستىنە كيگەن كيىمى جاراسىمدى بولسا دا، كورولدىكتەگىلەر Twitter- دە #Michelle_Obama_Immodest (اراب تىلىنەن اۋدارعاندا «ميشەل وباما ادەپسىز»، «ميشەل وباما جالاڭ باس» دەگەندى بىلدىرەدى) حەشتەگتەرىن قولدانىپ، پىكىر قالدىردى، - دەپ جازادى Politico باسىلىمى.
باسىلىم ساۋد ارابياسىندا ايەلدەرگە ارنالعان درەسس- كود بار ەكەنىن ءتۇسىندىرىپ ءوتتى. ايەلدەر قوعامدىق ورىنداردا باستارىن جاۋىپ، قارا كيىممەن جۇرۋلەرى ءتيىس. الەۋمەتتىك جەلىنىڭ كەيبىر قولدانۋشىلارى ميشەل وبامانىڭ يندونەزياداعى مەشىتكە بارعاندا شاشىن جاۋىپ كىرگەنىن جازىپ، ەر-ريادتا نەلىكتەن ولاي ىستەمەگەنىنە تاڭعالدى.
ABC News تىڭ مالىمەتىنشە، باراك وباما مەن كورول سالماننىڭ كەزدەسۋى تۇسىرىلگەن ۆيدەوروليكتە ميشەل وبامانىڭ باس كيىمسىز جۇرگەن جەرلەرى انىق كورسەتىلمەگەن. مۇنى بايقاعان جۋرناليستەر Saudi TV ا ق ش-تىڭ ءبىرىنشى حانىمىن ادەيى كورسەتپەدى دەپ توپشىلادى. ءبىراق ساۋد ارابياسىنىڭ اقش- تاعى ەلشىلىگى مۇنى جوققا شىعاردى.
ال CNN رەپورتەرلەرى باراك وباما مەن ونىڭ ايەلىنىڭ ساۋد ارابياسىنا ساپارى بارىسىندا بۇزىلعان وزگە دە ەتيكەتكە نازار اۋداردى: ا ق ش-تىڭ ءبىرىنشى حانىمى مەن كورول قول الىستى، ال بۇل ەلدە ەر ادامدار بوتەن ايەلدەرگە جاقىنداۋعا قاتاڭ تىيىم سالىنعان.
ەسكە سالا كەتەيىك، 2009 - جىلى ميشەل وباما ۇلى بريتانيا حانىمىن قۇشاقتاپ العان ەدى، بۇل جايت اعىلشىن باسىلىمدارىندا قىزۋ تالقىعا تۇسكەن بولاتىن.
ايتا كەتەيىك، 23 - قاڭتارعا قاراعان ءتۇنى ساۋد ارابياسىنىڭ التىنشى كورولى ابداللا يبن ابدەل ءازيز ءال-ساۋد 91 جاسقا تاياعان شاعىندا قايتىس بولعان ەدى. ءداستۇر بويىنشا ونىڭ ءىنىسى - 79 جاستاعى سالمان يبن ابدەل ءازيز ءال-ساۋد ساۋد ارابياسىنىڭ جەتىنشى كورولى بولدى.
Tengrinews.kz
