ءابدىراحمانوۆ وليمپيادا جولداماسىنا تالاسادى

وسىعان وراي، جارىستان ءبىر كۇن بۇرىن استاناداعى «دۋمان» قوناق ۇيىندە بوكسشىلاردىڭ سالماق ولشەۋ ءراسىمى بولادى. فينالدىق جەكپە-جەكتىڭ سۋپەرۆايزەرى پولشالىق مامان، ا ي ب ا-نىڭ تەحنيكالىق كوميسسيا ءتوراعاسىنىڭ ورىنباسارى ادام كۋشەر.

ايتا كەتەيىك، اتالعان جوبادا دومەنيكو ۆالەنتينو (يتاليا)، دميتري پوليانسكي (رەسەي)، روبسون كونسەيساو (برازيليا)، دەۆيد وليۆەر دجويس (يرلانديا ، حۋرشيد توجيبايەۆ (وزبەكستان)، بەرىك ءابدىراحمانوۆ (قازاقستان)، چارلي سۋارەز (فيليپپين)، ارتۋر بريل (گەرمانيا) جۇدىرىقتاسۋدا. بۇعان دەيىن بارلىعى ءۇش جەكپە-جەكتەن وتكىزىپ ۇلگەردى. فينالدىق كەزدەسۋلەر بريل - ۆالەنتينو، كونسەيساو - سۋارەز، دجويس - پوليانسكي، ءابدىراحمانوۆ - توجيبايەۆ اراسىندا وتپەك.

وزبەكستاندىق بوكسشى مەن جەرلەسىمىز بەرىكتىڭ جەكپە-جەگى وليمپيادا جولداماسىنىڭ يەگەرىن انىقتايدى. ەكى سپورتشى دا وسىعان دەيىنگى بارلىق كەزدەسۋلەرىندە جەڭىسكە جەتكەن. بوكس كەشى ەفيردەن كورسەتىلمەيتىن بولعاندىقتان 30- قاڭتار كۇنى ساعات 19:45 ۋاقىتىنان باستاپ ق ر بوكس فەدەراتسياسىنىڭ رەسمي سايتىندا (www.kfb.kz) ونلاين رەجيمدە ۇسىنىلادى.

جانكۇيەرلەر ءۇشىن جاعىمدى جاڭالىق، بوكس اياقتالعاننان كەيىن كورەرمەندەر اراسىندا ويناتىلاتىن لوتورەيا ويىندارىندا باعالى سىيلىقتار ءوز يەسىن تابادى. بۇل جولى باستى سىيلىق اۆتوكولىك ەكەنىن ەستەرىڭىزگە سالامىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى