بولاشاقتا جەر جۇزىندە ۋاقىت جويىلادى
مۇنداي مالىمدەمەسىمەن بەلگىلى عىلىمي جۋرنالعا ميللياردتاعان جىلداردان كەيىن ۋاقىتتىڭ جوعالىپ كەتەتىنى تۋرالى ەڭبەكتەرىن جاريالاعان عالىمدار حوسە سەنوۆيللا، مارك مارس پەن راۋل ۆەرا ءبولىسىپ وتىر.
ولاردىڭ بۇل يدەياسىن نەگىزسىز دەپ ايتۋعا دا بولمايدى، سەبەبى ۋاقىت جىلدامدىعىنىڭ باسەڭدەپ بارا جاتقانى بارشاعا ايان دۇنيە، الايدا ۋاقىتتىڭ مۇلدە توقتايتىنى تۋرالى كۇنى بۇگىنگە دەيىن ەشكىم مالىمدەپ كورمەپتى.
بۇل تەوريانى شىندىققا جاناستىرىپ تۇرعان ۋاقتىتتىڭ باسەڭدەۋى عانا ەمەس. كەمبريدج ۋنيۆەرسيتەتىنىڭ كوسمولوگى گەري گيببونس تە ۋاقىت تىعىرىققا تاياپ قالدى دەگەنگە قوسىلاتىن ءتارىزدى. سەبەبى، ونىڭ ايتۋىنشا، ۋاقىتتىڭ ءوزى ۇلكەن جارىلىس سالدارىنا پايدا بولعان، ياعني سول ۋاقىتتان بەرى كەرى قۇبىلىستىڭ ورىن الۋى عاجاپ ەمەس، دەپ جازادى Planet Today پورتالى.
«ۋاقىت جويىلادى» دەگەن تۇجىرىمنىڭ قانشالىقتى «قورقىنىشتى» ەستىلگەنىنە قاراماستان، عالىمدار ادامزاتتى قاتتى الاڭداماۋعا شاقىرادى. سەبەبى بۇل قۇبىلىس بىرنەشە ميللياردتاعان جىلداردان سوڭ ورىن الاتىن كورىنەدى. ول كەزدە، عالىمداردىڭ ايتۋىنشا، ادامزات تا، جەر شارى دا بولمايدى.
BNews.kz
