ي م سودىرلارى ب. وباماعا قوقان-لوقى جاساۋدا
«وباما، ءبىلىپ قوي، ءبىز امەريكاعا دا جەتەمىز. سونداي-اق ءبىلىپ قوي، ءبىز اق ۇيدە سەنىڭ باسىڭدى كەسىپ، امەريكانى مۇسىلمان پروۆينتسياسىنا اينالدىرامىز»، دەگەن قارا بەتپەردە كيگەن «يسلام مەملەكەتىنىڭ سودىرى».
سونىمەن بىرگە، لاڭكەس فرانسيا مەن بەلگيانى دا قورقىتىپ-ۇركىتكەن. بەينەجازبا كۇرد ساربازىنىڭ باسىن شاۋىپ جاتقان كادرلارمەن اياقتالادى.
مالىمدەمە وتكەن جىلى جازدا سودىرلار باسىپ العان يراكتىق موسۋل قالاسى كوشەلەرىنىڭ بىرىندە جاسالعان.
قۇراما شتاتتار سيريا مەن يراكتاعى «يسلام مەملەكەتى» توپتارىمەن كۇرەس جونىندەگى حالىقارالىق كواليتسيانى باسقارۋدا. وزدەرىنىڭ كۇرەسىندە ۆاشينگتون كۇرد جاساقتارىنىڭ ساربازدارىنا ارقا سۇيەۋدە، ولار بۇدان ءۇش كۇن بۇرىن ا ق ش اسكەري اۋە كۇشتەرىنىڭ قولداۋىمەن تۇرىك شەكاراسى ماڭىنداعى سيريالىق اين ءال- اراب (كوباني) قالاسىن تولىق قولدارىنا الدى.
