الماتىدا بۇكىل الەمدىك راديو كۇنىنە وراي وتەتىن شارادا ايگىلى عالىمدار ءدارىس وقىماق
«بولاشاقتىڭ مەدياسى: نيۋسونوميكا. ۇردىستەر. جاڭالىقتار» اتتى Ⅱحالىقارالىق جۋرناليستيكا جانە كوممۋنيكاتسيا قىسقى مەكتەبى ىلە الاتاۋ مەملەكەتتىك ۇلتتىق ساياباعىنداعى «تاۋ-تۇران» ءبىلىم بەرۋ-ساۋىقتىرۋ كەشەنىندە وتەدى. ونى الماتى قالاسىنداعى يۋنەسكو كلاستەرلىك بيۋروسى، ق ر ب ۇ ۇ قوعامدىق اقپارات دەپارتامەنتى جانە ت. ب. قولداۋىمەن ءال-فارابي اتىنداعى قازۇۋ-ءدىڭ «مەدياسفەرا» عىلىمي ورتالىعى ۇيىمداستىرۋدا.
شارا اياسىندا وعان قاتىسۋشىلارعا جاڭالىقتار ەكونوميكاسى سالالارى بويىنشا شەبەرلىك سىنىپتارى مەن سەمينار-ترەنينگتەر ۇسىنىلادى.
ءۇش كۇنگە سوزىلاتىن قىسقى مەكتەپ اياسىندا كولۋمبيا ۋنيۆەرسيتەتىنىڭ پروفەسسورى رافيس ابازوۆ (ا ق ش)، ءجۇسىپ بالاساعۇن اتىنداعى قىرعىز ۇلتتىق ۋنيۆەرسيتەتىنىڭ دوتسەنتى ا. سۋلتاناليەۆا، (قىرعىزستان)، الەمدىك ەكونوميكا جانە ديپلوماتيا ۋنيۆەرسيتەتىنىڭ پروفەسسورى ف. مۋمينوۆا (وزبەكستان) ءتارىزدى مەديا سالاسىنىڭ ماماندارى دارىستەر جۇرگىزەدى.
جيىنعا قازاقستان، قىرعىزستان جانە وزبەكستان جوعارى وقۋ ورىندارىنىڭ ستۋدەنتتەرى، ماگيسترانتتارى، PhD دوكتورانتتارى، وقىتۋشىلارى، رەسپۋبليكالىق جانە ايماقتىق ب ا ق جۋرناليستەرى ت. ب. قاتىسادى دەپ كۇتىلۋدە. قاتىسۋشىلار ماسس-مەديا سالاسىنىڭ مايتالماندارىنىڭ دارىستەرىن تىڭداپ، تاجىريبە الماسۋعا، سالاداعى جاڭا باعىتتارمەن تانىسۋعا مۇمكىندىك الادى.
