قازاقستاندا جاسالعان مەديتسينالىق جابدىقتار دۋبايداعى ءىرى كورمەدە تانىستىرىلدى - فوتو

ەكىنشى جىل قاتارىنان كورمەگە قازاقستاندىق «قاز مەد پريبور» كومپانياسى (شىمكەنت قالاسىنان) قاتىسۋدا. وتاندىق ءوندىرۋشى گەرمانيا، ا ق ش، جاپونيا جانە وزگە ەلدەردىڭ دە جەتەكشى وندىرۋشىلەرىمەن قاتار قازاقستاندىق ءوندىرىس ونىمدەرىنىڭ ستەندىن قويدى. «Arab Health» كورمەسىنە كەلۋشىلەر «قاز مەد پريبوردىڭ» جاڭا قوندىرعىلارىن: پاتسيەنت مونيتورلارىن، فەتالدى مونيتورلاردى، ەلەكترو كارديوگرافتاردى، نەگاتوسكوپتاردى، پۋلسوكسيمەترلەردى جانە ت. ب تاماشالاي الدى.

«قاز مەد پريبور» جوبالىق دەپارتامەنتىنىڭ باسشىسى قانىبەك قاناتبەك ۇلىنىڭ سوزىنە قاراعاندا، كورمەگە قاتىسۋ كومپانيانىڭ ىسكەرلىك اياسىن كەڭەيتەدى. اتالعان شارا اياسىندا قازاقستاندىق ءوندىرۋشى تاياۋ شىعىس ەلدەرىندەگى سەرىكتەستىكتەرىمەن جاڭا كەلىسىمشارتتارعا قول قويىپ، ەكسپورت ۇلەسىن ۇلعايتۋعا ءۇمىتتى. بۇگىننىڭ وزىندە وتاندىق كومپانيا جاپونيا جانە ەۋرو وداقتىڭ جەتەكشى كومپانيالارىمەن ىنتىماقتاسۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى