الماتىدا حايۋاناتتار باعىنىڭ مايمىلدارى تەلەديدار تاماشالاۋدى ۇيرەنىپ ءجۇر - فوتو

كوگىلدىر ەكران ولاردىڭ تەك ءىش پىسقانداعى ەرمەگى رەتىندە عانا ەمەس، عىلىمي تۇرعىدان دامىتاتىن قۇرال بولىپ وتىر.

بۇل تۋرالى قازاقپارات تىلشىسىنە زووباقتىڭ باسپا ءسوز حاتشىسى ميحايل سوروكوۋموۆ ايتتى.

ونىڭ ايتۋىنشا، زووباق باسشىلىعى پريماتتار بولىمىنە تەلەديداردى بىلتىر ساتىپ العان. مامانداردىڭ ايتۋىنشا، مۇنداي پراكتيكا الەمنىڭ ءبىرقاتار باقتارىندا قولدانىلىپ كەلەدى.

«سودان بەرى ول تەك ۋاقىت وتكىزۋ قۇرالى ەمەس، تاربيەلەۋ قۇرالى بولىپ وتىر.

قاماۋداعى جانۋارلار كوپ نارسەنى بىلمەيدى. ماسەلەن انالىق بوسانسا، بالاسىن قالاي باعۋ كەرەكتىگىن ول بىلمەيدى. ويتكەنى، ۇيرەنەتىن ءۇيىر جوق. تابيعات اياسىندا ولار ءبىر-بىرىنە ۇلگى بولادى عوي»، - دەدى سەكسيا مەڭگەرۋشىسى شولپان ابدىبەكوۆا.

ولار تەك قانا وزدەرى تۋرالى فيلمدەر كورمەيدى. ادامدار تۋرالى باعدارلامالاردى دا قۋانا-قۋانا تاماشالايدى. اسىرەسە، ليريكالىق فيلمدەر، مۋلفيلمدەر، مۋزىكالىق باعدارلامالاردى قۋانا تىڭدايدى. ال، قازىرگى زامانعى روك، مەتالل جانرىنداعى مۋزىكالاردى ۇناتپايدى. قارسىلىق ءبىلدىرىپ، شۋلاپ، تودىڭ ءىشىن باسىنا كوتەرەدى.

ال، كلاسسيكالىق، شانسون، ليريكالىق اندەردى جاس- كىشىسى، ەركەگى- ۇرعاشىسى تۇگەل تاپجىلماي تىڭدايدى.

قازىرگى تاڭدا الماتى حايۋاناتتار باعىندا 15 مايمىل ءومىر ءسۇرىپ كەلەدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى