قازاقستانداعى اتوم ستانسياسىن جاپوندىق كومپانيا سالاتىن بولدى

ازىرگە ەش قۇجاتقا قول قويىلماعان. ءبىراق، شەتەلدىك كومپانيا ناۋرىزدىڭ سوڭىنا دەيىن قۇنى 4 ميلليارد دوللار تۇراتىن رەاكتور مەن ستانساعا قاجەتتى جابدىقتاردى جەتكىزۋگە كىرىسىپ تە كەتىپتى. جاپوندار بالقاش ماڭىنا جوسپارلانعان قۇرىلىستى قولعا الماق.

ۆلاديمير شكولنيك، ق ر ەنەرگەتيكا ءمينيسترى:

- ستانسيانىڭ ءبىرىن روساتوم سالادى. ال، بالقاشقا كەلسەك - ءبىز الەمدە جاسالىپ جاتقان بارلىق جوبالاردى تالقىعا سالىپ، اراسىنان ۇزدىگىن تاڭداپ جاتىرمىز. ناقتى شەشىم ءالى قابىلدانبادى. دەگەنمەن، «Toshiba» - مەن ارادا كەلىسىم بار.

بۇعان دەيىن ەلىمىزدە 2025- جىلعا دەيىن ەكى ءىرى اتوم ەلەكتر ستانسياسى سالىنادى دەپ حابارلانعان بولاتىن. الايدا، ەنەرگەتيكا ءمينيسترى ۆلاديمير شكولنيك الەمدىك داعدارىسقا بايلانىستى اتوم ستانسيالارىن سالۋ ۋاقىتى كەيىنگە قالۋى دا مۇمكىن دەپ وتىر. ونىڭ ءبىرى شىعىس قازاقستان وبلىسىنداعى كۋرچاتوۆ قالاسىنان تۇرعىزىلسا، ەكىنشىسى الماتى وبلىسى بالقاش كولىنىڭ ماڭايىنان سالىنباق. ناق وسى بالقاش وڭىرىنەن تۇرعىزىلاتىن جوباعا ۇكىمەت «Toshiba» كومپانياسىن تاڭداپ وتىر. الايدا، قۇنى 4 ميلليارد دوللار تۇراتىن جوبانىڭ تيىمدىلىگىنە كوپشىلىك كۇمانمەن قارايدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى