ۋكراينا دونەتسك جانە لۋگانسك وبلىستارىندا توتەنشە جاعداي رەجيمىن ەنگىزدى

ۋكراينا پرەمەر- ءمينيسترى ارسەني ياتسەنيۋك ەلدىڭ باسقا اۋماقتارىندا جوعارى دايىندىق رەجيمى ەنگىزىلەتىنىن ايتتى. «توتەنشە نەمەسە اسكەري رەجيممەن شاتاستىرماۋدى وتىنەمىن. مۇنداي شەشىمدەردى پارلامەنت ەنگىزەدى»، - دەدى ول. ياتسەنيۋكتىڭ ايتۋىنشا، مينيسترلەر كابينەتى بارلىق ورگاننىڭ قىزمەتىن ۇيلەستىرۋگە ارنالعان توتەنشە جاعدايلار رەجيمىن ازاماتتاردىڭ قاۋىپسىزدىگى مەن تۇرعىنداردى ازاماتتىق قورعاۋ ءۇشىن ەنگىزىپ وتىر.

ۇكىمەت توتەنشە جاعدايلار جونىندەگى مەملەكەتتىك كوميسسيا قۇرۋ تۋرالى دا شەشىم قابىلدادى، ونى ياتسەنيۋك باسقارادى، سونىمەن بىرگە توتەنشە جاعدايلار ماسەلەلەرى جونىندەگى وڭىرلىك ۇيلەستىرۋ ورتالىقتارى دا قۇرىلاتىن بولدى. كوميسسيا ازاماتتىق قورعاۋ نىساندارىن تۇگەندەيتىن بولادى، بۇل تىزىمگە ينجەنەرلىك تەحنيكا، ماتەريالدىق-تەحنيكالىق قامتۋ، ءدارى-دارمەك پەن تاعام ونىمدەرى كىرەدى.

ۋكراينانىڭ ادىلەت ءمينيسترى پاۆەل پەترەنكو توتەنشە جاعدايلار رەجيمى تەررورلىق ارەكەتتەر قاۋپى جاعدايىندا ازاماتتىق قورعاۋ كودەكسىنە ساي ەنگىزىلەتىنىن ايتتى. ءىس-ارەكەتتەردىڭ ۇيلەسىمى ازاماتتاردىڭ قورعانىسىن قامتاماسىز ەتۋگە جانە ولارعا باسپانالارى قيراعان نەمەسە بايلانىس جەلىلەرى زاقىمدانعان جاعدايدا كومەك بەرۋگە مۇمكىندىك تۋعىزادى.

ۋكرايناداعى احۋال وتكەن اپتادا ناشارلاي ءتۇستى. 24- قاڭتار كۇنى ماريۋپول قالاسىن اتقىلاۋدىڭ سالدارىنان 30 ادام قازا تاپتى، ونداعان ادام جارالاندى. ە ق ى ۇ ميسسياسىنىڭ مالىمەتىنشە، وق د ح ر جاساقتارىنىڭ باقىلاۋىنداعى اۋماقتاردان اتىلعان. ۋكراينا تاراپى وقيعاعا حالىق جاساقتارىن كىنالايدى، د ح ر وكىلدەرى، كەرىسىنشە، ءبارىن ۋكراين كۇش قۇرىلىمدارىنان كورىپ وتىر. قازاقستان ۋكراينانىڭ وڭتۇستىك-شىعىسىنداعى احۋالدىڭ ۋشىعۋىنا بايلانىستى الاڭداۋشىلىق ءبىلدىردى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى