كاتاردا قازاقستانداعى كۇن پانەلدەرى ەلەمەنتەرىنىڭ ءوندىرىسىن قۇرۋ بويىنشا كەلىسسوز ءوتتى

كاتار استاناسىندا قازاقستاندىقتار جەرگىلىكتى «Qatar Solar Energy» جانە امەريكالىق «Solar City»  كومپانيالارىنىڭ باسشىلارىمەن كەلىسسوز جۇرگىزدى.

كەلىسسوز بارىسىندا جاڭارتىلعان ەنەرگيا كوزدەرى مەن كۇن پانەلدەرى ەلەمەنتتەرىن وندىرەتىن بىرلەسكەن كاسىپورىن قۇرۋ سالاسىنداعى ىنتىماقتاستىقتىڭ اسپەكتىلەرى تالقىلاندى.

اتاپ ايتقاندا، قازاقستانداعى كۆارتس تۇرىندەگى بار رەسۋرستاردى پايدالانۋ جانە فوتو ۆولتايكا ينفراقۇرىلىمدارى مەن زاۋىتتارى قاجەت دەپ بولجانادى. Qatar Solar» Energy»-دە قۋاتى ءۇش ءجۇز مەگاۆات كۇن ەلەمەنتتەرىن وندىرەتىن زاۋىت بار. بىرلەسكەن كاسىپورىندى قۇرۋ «Solar City» كەلىسىم-شارتىنىڭ «وفتەيكىن» ورىنداۋ ءۇشىن قازاقستاندىق جانە كاتارلىق رەسۋرستاردى بىرىكتىرۋدى بولجامدايدى.

ءۇش كومپانيانىڭ باسشىلارى مەن كاتار مەملەكەتىندەگى ق ر توتەنشە جانە وكىلەتتى ەلشىسى اسقار شوقىبايەۆ كاتارلىق پرەمەر-مينيستر، ىشكى ىستەر ءمينيسترى شەيح ابداللا بەن ناسەر بەن حاليفا ال تانيمەن كەزدەستى. ولار وسى جوبانىڭ كەلەشەگىن جانە باسقا دا قازاقستاندىق-كاتارلىق ەكى جاقتى ىنتىماقتاستىقتىڭ وزەكتى ماسەلەلەرىن تالقىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى