بۇگىن قازاقستاننىڭ قوس قالاسىندا ۇلتتىق ليگانىڭ ەرلەر كوماندالارى اراسىندا كەزەكتى تۋر ويىندارى باستالادى

قازاقستان ۆولەيبول فەدەراتسياسىنىڭ سايتىنان الىنعان مالىمەتكە قاراعاندا، تارازدا «ب» توبىنداعى كوماندالار، اتاپ ايتقاندا، «تاراز»، «شىعىس قورعاسىن قۇرىلىس» (وسكەمەن)، «الماتى» جانە «پاۆلودار» سىنعا تۇسەدى. ال پەتروپاۆلدا الاڭ يەلەرى «ەسىلمەن» بىرگە «اتىراۋ»، «ت ن ك «كازحروم» (حرومتاۋ) جانە «كوندەنسات-جايىق مۇناي» (ورال) كلۋبتارى ءوزارا كۇش سىناسادى.

بۇل كىشى تۋر ويىندارى 29- قاڭتار كۇنى مارەگە جەتەدى.

ايتا كەتەيىك، ەل بىرىنشىلىگىندە بەلورۋسسيالىق مامان ۆيكتور بەكشا جاتتىقتىراتىن «تاراز» كومانداسى 39 ۇپايمەن جەكەدارا كوش باستاپ كەلەدى. چەمپيوندىقتان باستى ۇمىتكەر دە بيىل تارازدىقتار بولىپ وتىر، ويتكەنى ەكىنشى ورىنداعى «پاۆلودار» ودان باقانداي ون ۇپايعا ارتتا قالدى. وتكەن جىلعى ەل چەمپيونى الماتىلىقتار مەن حرومتاۋلىقتاردىڭ ەنشىسىندە 21 ۇپاي بولسا، اتىراۋلىقتاردىڭ بۇلاردان ءبىر ۇپايى كەم. ال باتىس قازاقستاندىقتار مەن وسكەمەندىكتەردە 18 ۇپايدان بار. وسى كوماندالاردىڭ جۇلدەلى ورىندار ءۇشىن تالاسۋعا ءالى دە مۇمكىندىكتەرى جەتەدى. ەكى-اق ۇپايمەن كوش سوڭىندا قالعان «ەسىل» عانا ەندى ەشكىممەن تايتالاسا المايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى