الەمدەگى ساياسي جاعدايلار نارىقتاعى باعالارعا اسەر ەتۋدە
ساۋد ارابياسى جاڭا باسشىلىعىنىڭ ۇستانىمى مەن ەۋرونىڭ قۇلدىراۋىنا بايلانىستى مۇناي مەن مىس ءوندىرۋ سالالارىندا وزگەرىستەر ورىن الدى.
ال گرەكياداعى سايلاۋ قورىتىندىسى ونسىز دا كۇن سايىن قۇنىن جوعالتىپ جاتقان ەۋرونى السىرەتە ءتۇستى. بۇگىن نيۋ-يورك قور بيرجاسىندا مۇنايدىڭ باعاسى قايتا ءتۇستى.
بۇعان ساۋد ارابياسى جاڭا كورولىنىڭ ءوندىرىلىپ جاتقان قارا التىننىڭ مولشەرىنە وزگەرىس ەنگىزبەۋ تۋرالى شەشىمى سەبەپ بولدى.
ءسويتىپ، Brent ۇلگىسىندەگى مۇناي باررەلىنىڭ فيۋچەرستىك باعاسى 48 دوللار 33 سەنتكە دەيىن تومەندەدى. ال WTI مۇنايىنىڭ باعاسى 45 دوللار 8 سەنتكە دەيىن ءتۇستى.
اليستەر ماككەيگ، IG كومپانياسىنىڭ نارىقتىق ساراپشىسى:
- ءار-ريادتىڭ ساياسي ۇستانىمى، ءبىز ويلاعانداي، ەش وزگەرىسسىز قالدى. دەمەك، الداعى بىرنەشە جىل بويى جەر جاھان نارىعىنداعى قارا التىننىڭ مولشەرى قازىرگى تاڭداعىداي مول. ەداۋىر وزگەرىسكە ۇشىراعان تاعى ءبىر پايدالى قازبا - مىس ءوندىرىسى. سوڭعى كەزدە ەۋرونىڭ دوللار قاتىناسىنداعى قۇلدىراۋىنا بايلانىستى مىستىڭ فيۋچەرستىك باعاسى ايتارلىقتاي تومەندەپ كەتتى. مىستىڭ ءبىر مەترلىك تونناسىنىڭ قۇنى شامامەن 5,5 دوللارعا ارزانداپ، 2009 - جىلدىڭ شىلدەسىنەن بەرگى ەڭ تومەنگى كورسەتكىشكە جەتتى.
ال گرەكياداعى پارلامەنتتىك سايلاۋدا راديكالدى سولشىل كۇشتەر كواليتسياسى سيريزا- نىڭ جەڭىسىنە بايلانىستى حاباردىڭ اسەرىنەن ەۋرو باعامى تاعى دا تومەندەي ءتۇستى. الەمدىك بيرجالاردا ول 2003 -جىلدان بەرگى ەڭ تومەنگى دەڭگەيگە جەتتى. ەۋرونىڭ قۇلدىراۋىنا تاياۋدا ەۋروپا ورتالىق بانكىنىڭ قۇندى قاعازداردى ساتىپ الۋ تۋرالى قابىلداعان باعدارلاماسى اسەر ەتىپ جاتىر. شەشىمگە ساي، ەۋروپاداعى قارجىنى باقىلاۋشى ۇيىم وڭىردەگى ءبىرقاتار مەملەكەتتىك جانە جەكەمەنشىك مەكەمەنىڭ وبليگاتسيالارىن ساتىپ الۋ ارقىلى ەۋروايماق ەكونوميكاسىنا قىرۋار قارجى قۇيماق.
24.kz
