قىتاي يۋانى قانشالىقتى قاۋقارلى؟
بۇل رەتتە قازاقستاننىڭ كورشى ەلدەرمەن سىرتقى ساۋدادا ءتول تەڭگەنى پايدالانۋى قۇپتارلىق، - دەيدى قىتايلىق ساراپشىلار.
شارتاراپتاعى گەوساياسي تۇراقتىلىق شيەلەنىسكەن سايىن امەريكا اقشاسىنىڭ دا تاعدىرى دا تالقىعا تۇسە باستادى. كوپتەگەن ەكونوميستەر كەلەسى ۇستەم ۆاليۋتا يۋان بولادى دەپ بولجايدى. بۇگىندە كوپتەگەن ەلدەردە قىتاي اقشاسىن پايدالانۋ كەڭىنەن تارالا باستادى. ساۋدا- ساتتىقتا، ينۆەستيتسيادا، ءتىپتى اقشا جيناۋدا يۋان سەنىمگە يە بولىپ وتىر. تەك وڭتۇستىك كورەيادا يۋانمەن اشىلعان دەپوزيت ءبىر جىلدا 55 ەسە وسكەن.
ق ح ر- دا ءوز اقشاسىنىڭ ىقپالىن ارتتىرۋ ءۇشىن بىلتىر جىل سوڭىندا كانادا جانە كاتارمەن ۆاليۋتالىق كەلىسىمگە قول قويدى. وسىلايشا، ەمەن جاپىراقتى ەل ارقىلى سولتۇستىك امەريكاعا جول اشىلدى. ال و پ ە ك- كە مۇشە كاتار، قىتايمەن ءۇشجىلدىق ءوزارا ۆاليۋتا الماسۋ كەلىسىمشارتىنا وتىردى. تاياۋ شىعىستاعى مۇناي ءوندىرۋشى ەل قىتاي اقشاسىنا نارىعىن اشقان الەمدەگى 24- مەملەكەت.
ساراپشىلاردىڭ ايتۋىنشا، يۋان بەدەلىنىڭ كوتەرىلۋى سۇرانىستان تۋىندادى. ويتكەنى قىتايدىڭ تاۋارلارى كوپتەپ ەكسپورتتالادى دا، الەمدىك دەڭگەيدە يۋانعا دەگەن سۇرانىستى قالىپتاستىردى. ءبىراق ياڭ جيڭنىڭ ايتۋىنشا، جاھاندىق ەكونوميكادا يۋان ۇستەمدىك ەتەتىندەي دەڭگەيگە جەتكەن جوق. دەگەنمەن دامۋشى ەلدەر ءۇشىن تۇراقتى ءبىر ۆاليۋتانىڭ بولۋىنا قاي مەملەكەتتىڭ دە مۇددەسىنە سايادى. الەمدە، جالپى ورتالىق ازيادا جاڭا قارجى جۇيەسى قالىپتاستى دەپ ايتۋعا ءالى ەرتە.
دەگەنمەن قىتايمەن ارىپتەس كوپتەگەن مەملەكەتتەر سىرتقى ساۋدادا دوللارعا تاۋەلدىلىكتى مەيلىنشە ازايتىپ، وزدەرىنىڭ ۇلتتىق ۆاليۋتاسىندا ەسەپ ايىرىسۋعا كوشە باستادى. ياعني ساۋدا- ەكونوميكالىق بايلانىستا بالاما ءتاسىل قالىپتاسۋدا دەگەندى بىلدىرەدى. ساراپشىلار بۇل بۇگىنگى داعدارىس دەندەگەن كەزەڭدە ارىپتەس ەلدەردىڭ ءوزارا قاۋىپسىز جول تاڭداۋى دەيدى.
ال قىتاي حالىق بانكى باسشىسىنىڭ ورىنباسارى پان گۋنشەن وتكەن اپتادا بەرگەن باسپا ءسوز ءماسليحاتىندا ەۋروپالىق ورتالىق بانكتىڭ ەكونوميكانى جانداندىرۋدىڭ ءداستۇرلى ەمەس مونەتارلى ساياساتى قىتاي ەكسپورتىنا وڭ اسەرىن تيگىزەدى دەپ مالىمدەدى. دەگەنمەن پان گۋنشەن ەۋروپالىق بانكتىڭ بۇل ساياساتى مەن ا ق ش فەدەرالدى رەزەرۆ جۇيەسىنىڭ اقشالىق- نەسيە ساياساتىن قالپىنا كەلتىرۋى دوللاردى كۇشەيتىپ، يۋاننىڭ كۋرسىنا كەرى اسەر ەتەتىنىن جاسىرمادى. بۇل - بولاشاقتا ءالى دە الەم قىزىل قىتاي اقشاسىنا قاراعاندا، كوك قاعازدى سانايدى دەگەن ءسوز.
www.24.kz
